នៅក្នុងប្រទេសកម្ពុជា ត្រូវបានបែងចែកទៅជា ២៥ ខេត្ត-រាជធានី ដែលក្នុងនោះមណ្ឌលគិរី ជាខេត្តធំជាងគេបង្អស់ ដោយលាតសន្ធឹងលើផ្ទៃដី១៤២៨៨គីឡូម៉ែត្រការ៉េ និងមាន ប្រជាជនប្រមាណ ៣២៤០៧នាក់ នេះបើយោងតាមជំរឿននៅឆ្នាំ១៩៩៨។
ដោយឡែកខេត្តដែលតូចជាងគេវិញ ស្ថិតនៅតំបន់សមុទ្រគឺខេត្តកែប។ ខេត្តនេះ លាទសន្ធឹងលើផ្ទៃដីប្រមាណ ៣៣៦គីឡូម៉ែត្រការ៉េ តែប៉ុណ្ណោះ។
កែប ត្រូវបានបង្កើតឡើងដោយព្រះរាជក្រឹត្យចុះថ្ងៃទី២២ ខែធ្នូ ឆ្នាំ២០០៨ ដែលបានបំបែកក្រុងកែប និងស្រុកដំណាក់ចង្អើរ ចេញពីខេត្តកំពត។
ខេត្តនេះមាន ព្រំប្រទល់ខាងលិចជាប់ទីរួមខេត្តកំពត ហើយខាងកើតជាប់នឹងសមុទ្រ អមជាមួយកោះជាច្រើនពទ្ធ័ជុំវិញ។
ឈ្មោះកែប នេះបានមកពីភាសាបារាំង “Cap” មានន័យថា “ជ្រោយ” ដែលកាលនោះកម្ពុជាស្ថិតក្រោមអាណានិគមបារាំងពីឆ្នាំ១៨៦៣ ដល់ ឆ្នាំ១៩៥៣។
កាលនោះ ប្រជាជននៅទីនោះ បានហៅថាក្រុងកែប ឬក្រុង(Cap) តាមភាសាបារាំងដែលមានន័យថា៖ “ជាទីក្រុងជ្រោយ” ដែលមានសណ្ឋានដីលយចូលសមុទ្រ ហើយពាក្យនេះក៍ចេះតែហៅតៗគ្នាថា “កែប” រៀងរហូតមក៕
