តើមិត្តនារីៗណាខ្លះដែលកំពុងជួបប្រទះនឹងភាពជ្រីវជ្រួញ ហើយចង់ពន្យាភាពចាស់តាមវិធីត្រឹមត្រូវដែលមិនត្រូវការដើមទុនច្រើនឬទេ? តោះថ្ងៃនេះ KBN News នឹងនាំលោកអ្នកមកស្វែងយល់អំពី ឱសថរុក្ខជាតិ ៥ មុខ ដែលមានលក្ខណៈសម្បត្តិប្រឆាំងភាពចាស់ និងជួយពន្យាភាពចាស់បានយ៉ាងល្អបំផុត។ ដូច្នេះហើយ តើឱសថទាំងនោះមានអ្វីខ្លះ?
១.ខ្ញី៖ ខ្ញីគឺជាឱសថបុរាណមួយប្រភេទដែលត្រូវបានប្រើប្រាស់ដោយជនជាតិចិនរាប់ពាន់ឆ្នាំមកហើយ ដោយសារខ្ញីមានសារធាតុប្រឆាំងអុកស៊ីតកម្ម ក៏ដូចជាប្រឆាំងនឹងការរលាក ជួយការពារសញ្ញានៃភាពចាស់ និងជួយកាត់បន្ថយភាពតានតឹងអុកស៊ីតកម្មដែលបង្កគ្រោះថ្នាក់ដល់ស្បែកផងដែរ។
២.រមៀត៖ រមៀតត្រូវបានគេចាត់ទុកថាជាឱសថដែលមានប្រសិទ្ធភាពបំផុតក្នុងការកាត់បន្ថយហានិភ័យនៃការឆ្លងមេរោគ ជួយពន្លឿនការព្យាបាលមុខរបួស ក៏ដូចជាជួយកាត់បន្ថយស្នាមជាំ រួមទាំងជួយធ្វើឱ្យស្បែករស់ឡើងវិញ និងជួយបង្កើនប្រសិទ្ធភាពនៃប្រព័ន្ធភាពស៊ាំក្នុងរាងកាយទៀតផង ដូច្នេះហើយ វាមិនគួរឱ្យភ្ញាក់ផ្អើលទេដែលវាអាចជួយការពារស្បែកពីសញ្ញានៃភាពចាស់ដែលកើតឡើង។
៣. ជីអង្កាម៖ ជីអង្កាមគឺជាឱសថដែលមានផ្ទុកខូឡាជែន ជួយការពារសញ្ញានៃភាពចាស់ ជាពិសេសស្បែកដែលទទួលកាំរស្មីយូវីច្រើនពេក ដូច្នេះជីអង្កាមជួយរក្សាភាពយឺតនៃស្បែក ក៏ដូចជាជួយរក្សាកម្រិតសំណើមនៃស្បែក កាត់បន្ថយភាពគ្រើមនៃស្បែក រួមទាំងការពារបញ្ហាស្បែកស្ងួត និងស្នាមជ្រួញលើស្បែកផងដែរ។
៤.ស៊ីនណាម៉ន់ (Cinnamon)៖ cinnamon មានលក្ខណៈសម្បត្តិជួយប្រឆាំងភាពជ្រីវជ្រួញបានយ៉ាងល្អ ព្រោះវាមានសមត្ថភាពជួយការពារការរិចរិលនៃកូឡាជែន ក៏ដូចជាបង្កើនការសំយោគកូឡាជែន រួមទាំងជួយពន្យឺតការលូតលាស់របស់បាក់តេរី ដែលមានប្រសិទ្ធភាពជួយការពារការកើតមុន និងជួយព្យាបាលរោគសញ្ញានៃការ sunburn បានយ៉ាងល្អ។
៥.ជីងហ្គោ (Ginkgo)៖ Gingo គឺជាឱសថដែលមានលក្ខណៈសម្បត្តិអស្ចារ្យក្នុងការចិញ្ចឹមខួរក្បាល និងជំរុញការចងចាំ។ ប៉ុន្តែលក្ខណៈពិសេសមួយទៀតដែលមនុស្សស្រីមិនគួររំលង គឺGinkgo ក៏ជួយប្រឆាំងនឹងភាពចាស់ ការពារភាពជ្រីវជ្រួញ ផ្តល់សំណើមដល់ស្បែក ថែមទាំងជួយធ្វើឱ្យស្បែករលោង និងជួយកាត់បន្ថយភាពស្ងួតនៃស្បែកផងដែរ៕
