តារាចម្រៀង ស៊ឹម ច័ន្ទពន្លឺ បានបង្ហោះសារសុំចិត្តមហាជនដែលបានចូលទៅបញ្ចេញមតិមិនសមរម្យនៅលើផេកប្រទេសដទៃរឿងលោកចេះភាសាវៀតណាមពេលបានឃើញលោកបកស្រាយបទចម្រៀង។ Top4 រូបនេះបានបញ្ជាក់ថាលោកបន្តការសិក្សានិងរស់នៅទីនោះ១០ឆ្នាំរឿងអីដែលលោកមិនភាសាគេនោះ ហើយលោកមិនដែលលាក់ប្រវត្តិថាមកពីប្រទេសកម្ពុជាឡើយ ការបញ្ចេញមតិមិនសមទំនងលោកមិនខឹងនោះទេ។ ប៉ុន្តែធ្វើដូចនេះគេអាចវាយតម្លៃមើលងាយមកលើបងប្អូនខ្មែរទាំងអស់បាន។
ម៉ោង១ជាងរំលងអធ្រាត្រឈានចូលថ្ងៃទី២៣ ខែកញ្ញា តារាចម្រៀង ស៊ឹម ច័ន្ទពន្លឺ និងជាលោកគ្រូពេទ្យម្នាក់ បានបង្ហោះសារដោយស្លុតចិត្តពេលទទួលដំណឹងពីខាងក្រុមហ៊ុន Entertain នៅវៀតណាម បន្ទាប់ពីវីដេអូមួយដែលលោកបានបកស្រាយជាភាសាវៀតណាមត្រូវបងប្អូនខ្មែរមួយចំនួនចូលទៅបញ្ចេញមតិមិនសមរម្យនៅលើផេកជនជាតិគេធ្វើឱ្យលោកមិនដឹងត្រូវតបទៅគេវិញយ៉ាងមិច។
តារាចម្រៀងរូបនេះ បានសរសេររៀបរាប់ទៀតថានៅផេកនោះគេបញ្ជាក់ហើយថាលោកមកពីកម្ពុជា ចំពោះ Comment នៅក្នុង Page ក្នុងស្រុក ក្នុងប្រទេស គ្រួសារខ្មែរលោកអត់ដែលនិយាយអត់ដែលតបត ទេ.តែនេះឆ្លងទៅ Page របស់ប្រទេសគេ។ ពន្លឺ បន្តទៀតថា ខ្លួនមិនដែលលាក់ប្រវត្តិថាលោកមកពីប្រទេសកម្ពុជាមានឈាមជ័រជាខ្មែរទេ លោកតែងតែ បង្ហាញយ៉ាងច្បាស់ ទោះឈរនៅលើឆាក ប្រទេសណាក៏ដោយ.ហើយប្រជាជននៅទីនោះ ក៏បានដឹងបានឃើញបានឮថាលោកមកពីកម្ពុជា។
ស៊ឹម ច័ន្ទពន្លឺថា លោកទៅរៀនតនៅប្រទេសវៀតណាមមិនឱ្យលោកចេះភាសាវៀតណាមយ៉ាងមិចបើលោកនៅទីនោះ១០ឆ្នាំទៅហើយមិនមែនជារយៈពេលខ្លីនោះទេបើមិនចេះភាសាឱ្យរៀនយ៉ាងម៉េចនឹងចេះទៅ។ លោកអត់មានអារម្មណ៍ថាស្អប់ឬខឹងអ្នកមួយចំនួនដែល comment ទេ គ្រាន់តែមានអារម្មណ៍ថាខ្មាសគេតិចតួចពេលបានទទួលព័ត៌មាននេះ ហើយកុំថាគេអត់យល់ភាសាខ្មែរណា ព្រោះអាច Google translate បាន។
ជាចុងក្រោយតារាចម្រៀងរូបនេះ បានលើកឡើងទៀតថាសូមមហាជនមួយចំនួនសូមគិតមើលឱ្យច្បាស់ និងពិចារណាជាមុនសិនកុំឱ្យគេមើលងាយ វាយតម្លៃដល់បងប្អូនខ្មែរឯទៀត ព្រោះ ខ្មែរយើងសម្បូរអ្នកមានចំណេះដឹងខ្ពស់ និងធនធានមនុស្សច្រើនណាស់មានសុជីវធម៌ វប្បធម៌ដ៏ល្អផូរផង់៕
