ស្នងការដ្ឋាននគរបាលខេត្តបាត់ដំបងបានស្រាយបំភ្លឺករណីថាមានសត្វត្រី-ស៊ី-សា-ច់-ម-នុស្សចូលមកដល់ស្ទឹងក្រញូង នៃស្រុកសំឡូតគឺមិនពិតនោះទេ តែនេះគឺជាករណីមានត្រីក្រពតខាំបុរសម្នាក់អាយុ៦៣ឆ្នាំ ដោយបានខាំចំសរសៃឈា-មទើបបណ្ដាលឱ្យមានឈា-មហូរច្រើនតែមកដល់ពេលនេះស្ថានភាពជនរងគ្រោះមិនមានបញ្ហាអ្វីនោះទេ។
តាមរយៈផេកស្នងការដ្ឋាននគរបាលខេត្តបាត់ដំបងបានឱ្យដឹងថានៅថ្ងៃទី១៧ ខែសីហា ឆ្នាំ២០២៣ មានអ្នកប្រើប្រាស់បណ្តាញសង្គមបានផ្សព្វផ្សាយរូបភាពជាឃ្លីបវីដេអូ និងចែកផ្សាយបន្តដោយក្នុងរូបភាពនិងសម្លេងនិយាយ ថាមានសត្វត្រី-ស៊ី-សា-ច់-ម-នុស្សចូលមកដល់ស្ទឹងក្រញូង នៃស្រុកសំឡូត។
លោកអធិការនគរបាលស្រុកសំឡូត វរសេនីយ៍ទោ ម៉ែន រីម ទទួលបញ្ជាពីឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានបញ្ជាក់ថាថ្ងៃទី ១៧ ខែ សីហា ឆ្នាំ២០២៣ វេលាម៉ោង ១៦និង៣០នាទីនៅចំណុចដងស្ទឹងក្រញូងដែលស្ថិតនៅភូមិ តាសាញជើង ឃុំតាសាញ ស្រុកសំឡូត ខេត្តបាត់ដំបង មានករណីត្រីក្រពតខាំទៅលើបុរសម្នាក់ឈ្មោះសួន ចំរើន អាយុ ៦៣ឆ្នាំ ទីនៅបច្ចុប្បន្នក្រុមទី៩ ភូមិតាសាញជើង ឃុំតាសាញ ស្រុកសំឡូត ខេត្តបាត់ដំបង បណ្តាលឱ្យមានឈា-មហូរ ខណៈពេល ចុះទៅក្នុងទឹកស្ទឹងនោះ។
តាមការពិនិត្យរបស់គ្រូពេទ្យដែលព្យាបាលរបួសបានបង្ហាញថារបួសនេះគឺត្រីក្រពតខាំ ដោយខាំចំសរសៃឈា-មទើបបណ្ដាលឱ្យមានឈា-មហូរច្រើនតែមកដល់ពេលនេះស្ថានភាពជនរងគ្រោះមិនមានបញ្ហាអ្វីនោះទេ។ ដូច្នេះការផ្សព្វផ្សាយដែលថា បុរសខាងលើមានរបួសជើងដោយសារ(ត្រីស៊ី-សា-ច់-ម-នុ-ស្សខាំ)នោះគឺជារឿងពុំពិតឡើយនិងឱ្យគណនីដែលបង្ហោះកែតម្រូវឡើងវិញដើម្បីកុំឱ្យមានការភាន់ច្រឡំ។
បន្ថែមពីលើនេះអាជ្ញាធរក៏បានបញ្ជាក់ទៀតថានៅភូមិសាស្រ្ត ស្រុកសំឡូត នារដូវវស្សាក្នុងពេលដែលត្រីក្រពត ពងកូន នោះ តែងកើតមានករណីត្រីក្រពតខាំ ចំពោះអ្នកចុះទៅក្នុងទឹកនៃទីកន្លែងខ្លះដែលមានសត្វនេះរស់នៅជាក់ស្តែងកន្លងមកក៏មានករណីនេះកើតឡើងផងដែរ៕
