ថ្មីៗនេះមហាជនចាប់អារម្មណ៍រឿងស៊ីលីកូមុខរបស់តារាសម្តែង ប្រុសខួច ដែលបានទៅព្យាបាលនៅប្រទេសវៀតណាម។ ការព្យាបាលស៊ីលីកូរបស់ ប្រុសខួច នេះដែរមានអ្នកចូលទៅថាឱ្យលោកថា «តិចទៀតកើតមហារីកLiveសុំជំនួយ» ដែលជាហេតុធ្វើឱ្យលោកក្តៅស្លឹកត្រចៀកយ៉ាងខ្លាំងព្រមទាំងពន្លះទៅវិញថា ទោះបីជាលោកឈឺដល់ស្លាប់ក៏មិនលើកដៃសុំជំនួយដែរ។
ទន្ទឹមនឹងមានការផ្សាយមានបញ្ហាក្រោយពេលកែសម្ផស្ស តារាសម្តែង ប្រុសខួច បញ្ជាក់ប្រាប់មហាជនដើម្បីកុំឱ្យមានការយល់ច្រលំថាការកែសម្ផស្សរបស់លោកប្រមាណ១ឆ្នាំមុនពុំមានបញ្ហានោះទេ។ ការដែលលោកមានបិទប៉ង់នៅលើផ្ទៃមុខនោះគឺលោកបានព្យាបាលស៊ីលីកូដែលបានចាក់កាលពី១០ឆ្នាំមុនហើយមួយឆ្នាំមុនលោកព្យាបាលម្ដងហើយតែត្រូវព្យាបាលម្ដងទៀត។
អ្វីកាន់តែធ្វើឱ្យតារាសម្តែងរូបនេះក្តៅស្លឹកត្រចៀកនោះ មានអ្នកបានចូលទៅខម្មិនថា «តិចទៀតមហារីកLiveសុំជំនួយ» ធ្វើឱ្យ ប្រុសខួច ដាក់ទៅវិញថា «ចាំសម្ដីរបស់ខ្ញុំណា ទោះខ្ញុំឈឺដល់ងាប់ក៏ខ្ញុំមិនលើកដៃសុំជំនួយពីអ្នកណាដែរ រាល់ថ្ងៃខ្ញុំខំប្រឹងរកទុកទៅថ្ងៃមុខ ដើម្បីខ្លួនឯង ដើម្បីគ្រួសារ មិនមែនអត់គំនិតចាយលុយមិនចេះគិតទេ ហើយពេលនេះខ្ញុំមានសមត្ថភាពកែមុខ $$$$ គិតថាថ្ងៃក្រោយខ្ញុំទៅលើកដៃសុំលុយគេមែន មនុស្សខ្ញុំ ស៊ូអត់ដល់ងាប់ក៏មិនលើកដៃសុំលុយគេចាយ freeៗៗស្គាល់ខ្ញុំឱ្យច្បាស់តិចទៅមនុស្សខ្ញុំចូលចិត្តយកញើសឈាមទៅដូរនឹងលុយ ហើយក៏ មិនចូលចិត្តសុំលុយគេ»។
តាមការបញ្ជាក់របស់ ប្រុស ខួច ការដែលលោកបានឆ្លងកាត់មុខកាំបិតនៅប្រទេសវៀតណាមគឺដោយសារតែលោកចង់ស្អាតនិងកែកុនរាល់ចំណុចខ្វះខាតរបស់លោកមិនមែននៅសុខៗលោកអត់មូលហេតុរត់ទៅកែសម្ផស្សនោះទេ វ័យលោកចូល៣២ឆ្នាំហើយទើបត្រូវការជំនួយព្រោះការងាររបស់លោកត្រូវការប្រើសម្រស់៕
