កាលពីថ្ងៃទី២ ខែសីហា Billboard បានប្រកាសថាអាល់ប៊ុមតូចថ្មីរបស់ NewJeans មានឈ្មោះថា “Get Up” បានបង្ហាញខ្លួនជាលើកដំបូងជាប់លេខ១ នៅលើតារាងអាល់ប៊ុមកំពូល ២០០ របស់ខ្លួន ដែលការជាប់នេះគឺជាចំណាត់ថ្នាក់ប្រចាំសប្តាហ៍នៃអាល់ប៊ុមពេញនិយមបំផុតនៅសហរដ្ឋអាម៉េរិកសម្រេចបានដោយក្រុមចម្រៀងនារីនេះហើយក៏ជាលើកដំបូងដែល NewJeans ចូលក្នុងតារាង Billboard 200 ។
NewJeans ក្លាយជាក្រុមចម្រៀងនារី K-pop ទី២ ដែលមិនធ្លាប់មាននៅលើតារាង Billboard 200 បន្ទាប់ពី BLACKPINK ។ មិនត្រឹមតែប៉ុណ្ណោះ ក្រុមចម្រៀងនេះប្រើពេលជាងមួយឆ្នាំក្នុងអាជីពរបស់ពួកគេ ដែលក្លាយជាក្រុមចម្រៀងនារីប្រើពេលលឿនក្នុងការសម្រេចបានលទ្ធផលស្នាដៃនេះ។
គួរកត់សម្គាល់ថាអាល់ប៊ុម «Get Up» របស់ NewJeans និងអាល់ប៊ុមឆ្នាំ២០២២ របស់ BLACKPINK គឺ «BORN PINK» ជាអាល់ប៊ុមតែពីរគត់ដែលក្រុមនារីទាំងអស់ទទួលបានចំណាត់ថ្នាក់លេខ១ នៅលើ Billboard 200 ក្នុងរយៈពេល ១៥ ឆ្នាំចុងក្រោយនេះ។ ជាមួយគ្នានេះ NewJeans ក្លាយជាសិល្បករ K-pop ទីប្រាំមួយដែលឈានដល់លេខ១ នៅលើតារាងបន្ទាប់ពី ក្រុម BTS, SuperM, Stray Kids, BLACKPINK និង TXT ។
ទន្ទឹមនឹងនេះ NewJeans ក៏បានបង្ហាញបទចម្រៀងថ្មីពីរបទពី «Get Up» នៅលើ Billboard’s Hot 100 (ដែលជាប់ចំណាត់ថ្នាក់បទចម្រៀងពេញនិយមបំផុតនៅសហរដ្ឋអាម៉េរិក): បទ «ETA» បានចូលតារាងនៅលេខ៨១ ខណៈពេលដែលបទ «Cool With You» ចេញដំបូងនៅលេខ ៩៣។ លើសពីនេះ បទ «Super Shy» ដែលទម្លាក់លើទីផ្សារដំបូងបានឡើងដល់កំពូលលេខ ៤៨ ក្នុងសប្តាហ៍ទី ៣ ជាប់ៗគ្នានៅលើតារាង ដោយសម្គាល់ចំណាត់ថ្នាក់ខ្ពស់បំផុតរបស់ NewJeans នៅលើ Hot 100 រហូតមកដល់បច្ចុប្បន្ន។ ជាលទ្ធផលពេលនេះ NewJeans គឺក្រុមចម្រៀងនារី K-pop ក្នុងប្រវត្តិសាស្ត្រដែលមានបទចម្រៀងចំនួនបីបទជាប់ក្នុងពេលដំណាលគ្នានៅលើ Hot 100 ៕
