ព្រះលានស្តេចគំលង់ ទីតាំងស្ថិតនៅជាប់នឹងព្រះពន្លាជល់ដំរី ចន្លោះផ្លូវពីប្រាសាទបាយ័នទៅទ្វារដីឆ្នាំង មានចម្ងាយប្រមាណ១១គីឡូម៉ែត្រពីទីក្រុងសៀមរាប
លាននេះត្រូវបានស្ថាបនាឡើងនៅចុងសតវត្សទី១២ ដោយព្រះបាទជ័យវរ្ម័នទី៧ មានគ្រឹះប្រវែង ២៥ម៉ែត្រ និង មានកំពស់ ៦ម៉ែត្រ។ ឈ្មោះនៃលាននេះគឺយោងទៅតាមរូបសំណាក់ស្តេចគម្លង់ដែលគង់នៅលើរានហាលនៃលាន។
រូបសំណាក់សព្វថ្ងៃនេះជារូបចំលងទេ រីឯរូបពិតគឺត្រូវបានដាក់តាំងនៅក្នុងសារមន្ទីរជាតិនៅទីក្រុងភ្នំពេញ។លានស្តេចគំលង់ឬព្រះលានស្តេចគំលង់បានជាគេហៅបែបនេះក៏មកពីរូបចម្លាក់និងរឿងព្រេងផងដែរ។
នៅប្រាសាទនេះ មានផ្លូវតូចមួយ ដែលអាចឱ្យភ្ញៀវទេសចរណ៍ ដើរមើលផ្ទាំងសិលានៅតាមប្រាសាទ ហើយដើរខ្វែងខ្វាត់ ទៅដល់ផ្លូវចេញម្ខាងទៀត ប្រៀបដូចជាសួនវង្វេង ខុសត្រង់ថាផ្លូវប្រាសាទ មានតែមួយច្រកតែប៉ុណ្ណោះ៕
