ក្រូចឆ្មារស្រស់មានវីតាមីន C ដែលជួយរក្សា និងសម្អាតដំណើរការរំលាយអាហារខាងក្នុងរបស់រាងកាយ បញ្ចេញជាតិពុលបានល្អ និងបំបាត់ការទល់លាមក។ លើសពីនេះ ការផឹកទឹកក្រូចឆ្មារក៏ជាវិធីធ្វើឱ្យមុខរបស់អ្នកភ្លឺថ្លាផងដែរ។ ក្រូចឆ្មារ ក៏ជួយឱ្យស្បែកភ្លឺថ្លា កាត់បន្ថយបញ្ហាមុន មុខខ្លាញ់ មើលទៅខ្មៅស្រអាប់ កាត់បន្ថយចំណុចខ្មៅ ជួយកាត់បន្ថយកូលេស្តេរ៉ុលក្នុងឈាម ធ្វើឱ្យស្បែករបស់អ្នកស្រស់ស្អាត និង មានសុខភាពល្អ ពីខាងក្នុងជាមួយនឹងអត្ថប្រយោជន៍ជាច្រើនពីក្រូចឆ្មាដែលធម្មជាតិបានបង្កើត។ ដូច្នេះហើយខាងក្រោមនេះគឺជាគន្លឹះថែសម្រស់ជាមួយក្រូចឆ្មារស្រស់៖
១.របៀបផឹកទឹកក្រូចឆ្មារ ដើម្បីទទួលបានសុខភាពល្អ៖ គ្រឿងផ្សំ ក្រូចឆ្មា ១ផ្លែ, ទឹកស្អាត ២ពែង, ទឹកឃ្មុំ ២ស្លាបព្រាបាយ និងអំបិលកន្លះស្លាបព្រាកាហ្វេ។
វិធីធ្វើ ច្របាច់ទឹកក្រូចឆ្មារ លាយជាមួយទឹកស្អាត ទឹកឃ្មុំ និងអំបិល កូរឱ្យសព្វ ហើយផឹកភ្លាមដើម្បីទទួលបានតម្លៃអតិបរមានៃវីតាមីន C ។
២.របៀបកម្ចាត់មុនដោយប្រើក្រូចឆ្មារ៖ គ្រឿងផ្សំ ក្រូចឆ្មា ១ស្លាបព្រាបាយ, និង ស៊ុតស ១ស្លាបព្រាបាយ។
វិធីធ្វើ លាយគ្រឿងផ្សំទាំងពីរចូលគ្នា បន្ទាប់មកយកមកលាបលើកន្លែងកើតមុន ហើយទុកចោល ៣០ នាទី លាងសម្អាតជាមួយហ្វូម ឬជែលលាងមុខថ្នមៗ ជាការស្រេច នោះអ្នកនឹងទទួលបានមុខស្អាតភ្លឺរលោង និងក្មេងជាងវ័យ។
៣.របៀបធ្វើឱ្យស្បែកភ្លឺថ្លាជាមួយក្រូចឆ្មារ៖ គ្រឿងផ្សំ ក្រូចឆ្មា ១ ស្លាបព្រាបាយ, ប្រេងអូលីវ ១ ស្លាបព្រាបាយ, អំបិលកន្លះស្លាបព្រាកាហ្វេ។ អំបិលជួយកម្ចាត់ស្បែកងាប់ និងសម្អាតស្បែកបានយ៉ាងល្អ ចំណែកឯប្រេងអូលីវផ្តល់សំណើមដល់ស្បែក ហើយទឹកក្រូចឆ្មារ ធ្វើឱ្យស្បែកសភ្លឺថ្លា។
វិធីធ្វើ លាយអំបិលជាមួយប្រេងអូលីវ បន្ទាប់មកបន្ថែមទឹកក្រូចឆ្មារឱ្យក្រាស់ល្មម។ កូរឱ្យសព្វហើយលាបលើសាច់ស្បែក ទុកចោល ៣០នាទី រួចលាងទឹកស្អាតចេញជាការស្រច។
៤.របៀបធ្វើឱ្យក្រចកស្រស់ស្អាតជាមួយក្រូចឆ្មារ៖ ទឹកក្រូចឆ្មារក៏អាចជួយធ្វើឱ្យក្រចកយើងស្អាត និងរឹងមាំផងដែរ វិធីសាស្ត្រគឺកាត់ក្រូចឆ្មារមួយចំណិត បន្ទាប់មកយកវាទៅដុសសម្អាតក្រចកដៃ និងក្រចកជើង រួចលាងទឹកស្អាតចេញជាការស្រេច នោះវានឹងកំចាត់កោសិកាងាប់ ហើយអ្នកនឹងមានក្រចកពណ៌សស្អាត៕ ប្រភព៖sanook
