បច្ចុប្បន្ននេះ កម្ពុជាមានស្ពានឆ្លងទន្លេមេគង្គ៤ ដោយ៣បាននឹងកំពុងដាក់ឱ្យប្រើប្រាស់ ខណៈស្ពានមួយទៀតកំពុងសាងសង់ដែលឆ្លងកាត់ទន្លេងមេគង្គ សម្រាប់អ្នកធ្វើដំណើរមកពីខេត្តក្រចេះ ដោយគម្រោងនឹងបញ្ចប់នៅឆ្នាំ២០២៦ខាងមុខនេះ។
១នៅ៣ស្ពាន ដែលកំពុងដាក់ឱ្យដំណើរការ ក្នុងនោះស្ពានគីហ្សូណា គឺជាស្ពានឆ្លងកាត់ទន្លេមេគង្គមុនដំបូងគេនៅកម្ពុជា ដែលស្ថិតនៅក្នុងភូមិសាស្ត្រក្រុងកំពង់ចាម នៃទីរួមខេត្តកំពង់ចាម។ បច្ចុប្បន្ន ស្ពាននេះបានតភ្ជាប់រវាងខេត្តកំពង់ចាម និងខេត្តត្បូងឃ្មុំ តាមផ្លូវជាតិលេខ៧។
ស្ពាននេះត្រូវបានចាប់ផ្តើមសាងសង់នៅក្នុងឆ្នាំ១៩៩៩ និងសម្ពោធដាក់ឱ្យប្រើប្រាស់នៅឆ្នាំ២០០១ ដោយចំណាយទឹកប្រាក់ជាង ៥៦លានដុល្លារអាមេរិក ជាជំនួយឥតសំណងពីរដ្ឋាភិបាលជប៉ុន។
ស្ពាននេះមានប្រវែង ១៥០០ម៉ែត្រ ធ្លាប់បានទទួលចំណាត់ថ្នាក់ជាស្ពានវែងជាងគេបង្អស់នៅកម្ពុជា រហូតដល់ឆ្នាំ ២០០២ ពោលគឺនៅពេលដែលស្ពានកម្ពុជា-ថៃ ត្រូវបានកសាងនៅខេត្តកោះកុង ដែលមានប្រវែង ១៩០០ម៉ែត្រ។
ស្ពានគីហ្សូណា ក៏ស្ពានដំបូងដែលបានតភ្ជាប់តំបន់ភាគខាងកើត និងភាគខាងលិចប្រទេសកម្ពុជា តាមផ្លូវគោកជាលើកដំបូងផងដែរ៕
