មនុស្សមួយចំនួន តែងជួបនឹងបញ្ហាក្លិនខ្លួនមិនល្អ ហើយបានប្រើប្រាស់នៅគ្រឿងក្រអូបដើម្បីជួយទប់ស្កាត់ ប៉ុន្តែវាមិនមែនជាវិធីត្រឹមត្រូវក្នុងការលុបបំបាត់ក្លិននោះឡើយ។ ដូច្នេះ ដើម្បីកម្ចាត់ក្លិនមិនល្អក្នុងខ្លួន វិធី ៥ យ៉ាងខាងក្រោមនេះអាចជួយអ្នកបាន៖
១.ឧស្សាហ៍សម្អាតកាយ ៖ ដើម្បីរក្សាអនាម័យក្នុងខ្លួន រឿងដំបូងដែលអ្នកត្រូវធ្វើ គឺឧស្សាហ៍លាងសម្អាតរាងកាយដូចជាតំបន់ផ្សេងៗជាដើម ការលាងសម្អាតតំបន់ឯកជនជាមួយនឹងទឹកក្តៅឧណ្ណៗនៅពេលងូតទឹក និងជូតសម្អាតឱ្យស្ងួតដោយប្រើក្រណាត់ទន់ៗ មួយថ្ងៃ ២ ទៅ ៣ ដង ដើម្បីកាត់បន្ថយញើសដែលបណ្តោលឱ្យមានក្លិនអាក្រក់។
២.ឧស្សាហ៍ប្តូរខោអាវ៖ ត្រូវប្រាដកថា អ្នកផ្លាស់ប្តូរខោទ្រនាប់ជារៀងរាល់ថ្ងៃ ឬពីរដងក្នុងមួយថ្ងៃប្រសិនបើអ្នកមានអារម្មណ៍ថា ញើសច្រើន។ ការបែកញើសនៅក្នុងតំបន់ឯកជនអាចនាំឱ្យមានការលូតលាស់នៃផ្សិតដែលអាចបណ្តោលឱ្យមានក្លិនអាក្រក់។ ដូចនេះ ការផ្លាស់ប្តូរខោក្នុង ហើយលាងសម្អាតបន្ទាប់ពីការដើរ ឬធ្វើលំហាត់ប្រាណគឺជាកត្តាដ៏ចាំបាច់បំផុតសម្រាប់រាងកាយ។
៣.ទទួលទានទឹកដោះគោ ឬយ៉ាអ៊ួ៖ ទឹកដោះគោ ឬយ៉ាងអួ មានផ្ទុកសារធាតុប្រូបាយអូទិក ដែលអាចជួយបង្កើនការលូតលាស់បាក់តេរីល្អនៅក្នុងតំបន់ឯកជន កម្ចាត់បាក់តេរីអាក្រក់ និងរក្សាកម្រិត pH ធម្មជាតិនៃតំបន់ឯកជន ដូច្នេះក្លិនអាក្រក់នឹងជៀសទៅឆ្ងាយ។
៤.ទទួលទានទឹកឱ្យបានច្រើន៖ យ៉ាងហោចណាស់ អ្នកត្រូវទទួលទានទឹក ២ ទៅ ២.៥ លីត្រក្នុងមួយថ្ងៃ ដើម្បីរក្សាតំបន់ឯកជនឱ្យមានសំណើម និងបង្កើតបាក់តេរីល្អដើម្បីបំបាត់ក្លិន។
៥.ទឹកខ្មេះប៉ោម៖ ការលាយទឹកខ្មេះប៉ោម នៅក្នុងទឹកក្តៅឧណ្ណៗ ក៏អាចជួយកាត់បន្ថយបាក់តេរីដែលជាភ្នាក់ងារបង្ករោគបានដែរ ដោយអ្នកគ្រាន់តែលាយទឹកខ្មេះប៉ោមមួយពែងទៅក្នុងអាងទឹក ហើយចុះត្រាំប្រហែលជា ២០នាទី។ ឧស្សាហ៍អនុវត្តបែបនេះ ២ទៅ៣ ដងក្នុងមួយសប្តាហ៍ នោះរាងកាយរបស់អ្នកនឹងលែងមានក្លិនអាក្រក់ទៀតហើយ៕ ប្រភព៖sanook
