Coach ពេជ្រ សោភា ត្រូវមហាជនកត់សម្គាល់ឃើញថាជាគ្រូបង្វឹកម្នាក់ផ្តល់ឱកាសច្រើនដល់បេក្ខជនចូលរួមប្រកួតដើម្បីមានឱកាសហ្វឹកហាត់សមត្ថភាពបន្ថែមទៀត។ ជាពិសេសពុំសូវនិយាយច្រើនពេលដណ្តើមបេក្ខជនមកធ្វើជាក្រុមឡើយតែពេលបេក្ខជនក្លាយជាក្រុមរបស់ខ្លួនហើយតារាចម្រៀងរូបនេះតែងតែជួយទំនុកបំរុងពេលកូនក្រុមខ្វះខាត។ ជាមួយគ្នានេះតារាចម្រៀង សយ រតនៈ បាននិយាយពេញៗមាត់ដូចគ្នាថាអ្នកចូលរួមប្រកួតបានក្លាយជាកូនក្រុម Coach ពេជ្រ សោភា ជាសំណាងរបស់បេក្ខជន។.png)
តារាចម្រៀង ពេជ្រ សោភា បានឈរជើងនៅក្នុងវិថីសិល្បៈអស់រយៈពេលជាច្រើនឆ្នាំមកហើយជួបគ្រប់រសជាតិ ល្បីហើយធ្លាក់កូដ ធ្លាក់កូដហើយល្បីវិញពុះពារគ្រប់បែបយ៉ាងរហូតអាចឈរជើងមកដល់សព្វថ្ងៃ ព្រមទាំងបានក្តោបតំណែងជាគ្រូបង្វឹកកម្មវិធីលំដាប់ពិភពលោក The Voice Cambodia ទៀតផង។ ដ្បិតថា២រដូវកាលកន្លងមក Coach ពេជ្រ សោភា ពុំទាន់មានកូនក្រុមជាម្ចាស់ពានក្តី តែក៏ធ្វើឱ្យបេក្ខជនមួយចំនួនដែលចូលរួមប្រកួតមានឱកាសច្រើនដុសខាត់លើសមត្ថភាពរបស់ខ្លួនអាចក្លាយជាតារាចម្រៀងអាជីពបាន។ មិនត្រឹមតែប៉ុណ្ណោះ ពេជ្រ សោភា តែងតែជួយសម្រួលទុក្ខលំបាករបស់កូនក្រុមនៅពេលជួបបញ្ហាខ្វះខាតជាដើម។.png)
ជាក់ស្តែងថ្មីៗនេះមានការលើកថា អ្នកមួយចំនួនអាចមិនសូវចាប់អារម្មណ៍ ពេលដល់វគ្គដណ្ដើមកូនក្រុមដើម្បីចូលក្នុង Team Coach Sophea ម្ដងៗ , ពេជ្រ សោភា មិនសូវជានិយាយដល់ការជួយទំនុកបំរុងដល់បេក្ខជនទេ ប៉ុន្តែកាលពីរដូវកាលមុនគ្រូបង្វឹករូបនេះបានជួយទៅដល់អតីតតារាចម្រៀង សាន ស្រីឡៃ យ៉ាងមិនមែនជួយតែអតីតតារាចម្រៀងរូបនេះទេ តែ ពេជ្រ សោភា ទុកកូនក្រុមរបស់ខ្លួនទាំងអស់ដូចកូន ដូចប្អូនទាំងអស់ចឹង។
ជាមួយការលើកឡើងនេះ តារាចម្រៀង សយ រតនៈ គូស្នេហ៍ ប៉ាច គីមមួយ ក៏បានលើកឡើងដែរថា «បានចូលកូនក្រុមរបស់ coach ពេជ្រ សោភា Pich Sophea ជាសំណាងរបស់បេក្ខភាពប្រលង ក្នុងនោះមានខ្ញុំម្នាក់ដែរ ដែលជាកូនក្រុមរដូវកាលទី១»។ ការលើកឡើងពេញៗមាត់របស់តារាចម្រៀងរូបនេះ គេចាំមិនភ្លេចទេថា លោក សយ រតនៈ ទទួលបានឱកាសមួយកៅអីពី Coash ពេជ្រ សោភា កាលពីឆ្នាំ២០១៤ ទើបធ្វើឱ្យលោកមានឱកាសធ្វើជាតារាចម្រៀងអាជីពក្នុងទ្រនំហង្សមាស៕
