្រហាយភ្នែក រមាស់ក្នុងភ្នែក រកាំដូចមានសំរាមក្នុងភ្នែក ឈឺចាក់ៗក្នុងភ្នែក ចាញ់ពន្លឺថ្ងៃ ឬហៀរទឹកភ្នែកឥតឈប់ … នេះអាចជាអាការៈសញ្ញានៃជំងឺភ្នែកស្ងួត។ ជាទូទៅ គេសង្កេតឃើញថា មួយភាគបីនៃប្រជាជនពេញវ័យនៅលើពិភពលោកតែងតែមានបញ្ហាស្ងួតភ្នែក។ នៅអាស៊ី អត្រាអ្នកស្ងួតភ្នែកឡើងខ្ពស់ខ្លាំង ដល់ទៅ ៣៣%។ ដូច្នេះហើយ តើស្ងួតភ្នែកបណ្តាលមកពីអ្វី ? និងត្រូវធ្វើដូចម្តេចដើម្បីបញ្ចៀសបញ្ហានេះបាន ?
កត្តាដែលធ្វើឱ្យមានបញ្ហាស្ងួតភ្នែកគឺដោយសារការប្រើប្រាស់ភ្នែកខ្លាំងពេក ដូចជាសម្លឹងអេក្រង់កុំព្យូទ័រ ឬឧបករណ៍អេឡិចត្រូនិករយៈពេលយូរ, មានភាពតានតឹង, សម្រាកមិនគ្រប់គ្រាន់, ឬផឹកភេសជ្ជៈដែលមានជាតិកាហ្វេអ៊ីន…ជាដើម។
មូលហេតុមួយទៀតគឺដោយសារអាយុ នៅពេលឈានចូលដល់វ័យចំណាស់ ក្រពេញទឹកភ្នែកមិនអាចផលិតទឹកភ្នែកបានគ្រប់គ្រាន់ ដូច្នេះយើងតែងតែជួបប្រទះនិងបញ្ហាក្រហាយភ្នែក ឬស្ងួតភ្នែកជាដើម។
វិធីការពារនិងព្យាបាល៖ ជាទូទៅ ជំងឺភ្នែកស្ងួត ឬក្រហាយភ្នែក មិនអាចបង្កផលវិបាកធ្ងន់ធ្ងរអីនោះឡើយ ដូច្នេះដើម្បីបញ្ចៀសបញ្ហានេះយើងគួរតែអនុវត្តវិធីដូចខាងក្រោម៖
១.កាត់បន្ថយការប្រើប្រាស់កុំព្យូទ័រ និងឧបករណ៍អេឡិចត្រូនិក។
២.គេងឱ្យបានគ្រប់គ្រាន់ ៦-៨ ម៉ោងក្នុងមួយថ្ងៃ។
៣.ព្យាយាមរក្សាចិត្តរបស់អ្នកឱ្យបានស្រួល កុំតានតឹងពេក ឬព្រួយបារម្ភ។
៤.កាត់បន្ថយភេសជ្ជៈដែលមានជាតិកាហ្វេអ៊ីន។
៥.បរិភោគអាហារដែលមានវីតាមីនដែលអាចជំនួយដល់ភ្នែកដូចជា បន្លែបៃតង, ផ្លែឈើ, ត្រី, សត្វគោ, គ្រាប់ធញ្ញជាតិ…ជាដើម៕ 
ប្រភព៖sanook
