ពីរ៉ាមីត គឺជាអច្ឆរិយវត្ថុទាំង ៧ ដ៏ចំណាស់បំផុតរបស់មនុស្សជាតិ ដែលបានសាងសង់ឡើងប្រហែល ៤,៥០០ ឆ្នាំមកហើយ។
ពីរ៉ាមីត ជាសំណង់ដ៏អាថ៌កំបាំងបំផុតមួយក្នុងលោក ហើយសំណង់នេះមានភាពល្បីល្បាញបំផុតរហូតដល់បានដាក់ចូលរូបរាងពីរ៉ាមីតក្នុងកម្មវិធីសិក្សាធរណីមាត្រ និងមានសំណង់បុរាណ ឬសំណង់ថ្មីៗជាច្រើនជុំវិញពិភពលោក យកគម្រូតាមពីរ៉ាមីតផងដែរ។
ពីរ៉ាមីត បានបង្ហាញអំពីអរិយធម៌ដ៏ចំណាស់របស់អេហ្ស៊ីប ក៏ដូចជាជំនឿ និងអំណាចអធិរាជនៃចក្រភពមួយក្នុងពិភពលោក។
ដោយសារតែ ពីរ៉ាមីតត្រូវបានពិភពលោកទទួលស្គាល់ថាបានរកឃើញនៅប្រទេសអេហ្សុីប ដូច្នេះលោកអ្នកប្រហែលជាគិតថា ប្រទេសនេះជាប្រទេសដែលមានសំណង់ពីរ៉ាមីតច្រើនជាងគេលើលោក ក៏ប៉ុន្តែប្រទេសនេះមានសំណង់ពីរ៉ាមីតត្រឹមតែ១៣៨ប៉ុណ្ណោះ។
ដោយឡែកប្រទេសដែលមានពីរ៉ាមីតច្រើនជាងគេ គឺស៊ូដង់ ដោយប្រទេសនេះមានពីរ៉ាមីតដល់ទៅ ២២០ ឯណោះ។ ៣ពីរ៉ាមីតក្នុងចំណោម២២០នេះ គឺជាផ្នូរនៃស្តេច និងព្រះមហាក្សត្រិយានី ដ៏មានឥទ្ធិពលបំផុតមួយ គឺ Napata និង Meroë៕
ប្រភព៖ Wikipedia
