ពេលនិយាយពីសក់ខ្លាញ់ ធ្វើអោយមនុស្សជាច្រើនបាត់បង់ទំនុកចិត្តភ្លាមៗ សក់ខា្លញ់ ធ្វើឱ្យបុគ្គលិកលក្ខណៈមើលទៅអាក្រក់ លើសពីនេះ ទំនុកចិត្តក៏នឹងថយចុះផងដែរ។ ដូច្នេះហើយ ថ្ងៃនេះយើងខ្ញុំសូមណែនាំវិធីទាំង៦យ៉ាងដែលអាចកាត់បន្ថយបញ្ហាសក់ប្រេង យ៉ាងមានប្រសិទ្ធភាព វិធីទាំង៦យ៉ាងនោះមានដូចជា៖
១.កាត់បន្ថយការកក់សក់៖ សាប៊ូកក់សក់លើសពី ១ដងក្នុងមួយថ្ងៃ អាចបណ្តាលឱ្យសក់មានខ្លាញ់ច្រើន ជាពិសេសសម្រាប់អ្នកដែលមានបញ្ហាសក់ឡើងប្រេង អ្នកគួរតែកក់សក់របស់អ្នក២ថ្ងៃក្នុង១ដង។
២.ជៀសវាងការប្រើម៉ាស៊ីនកៀបឬផ្លុំសក់៖ ដោយសារតែពេលវេលាប្រើប្រាស់ កំដៅទាំងនោះនៅជិតឫសសក់ដែលជំរុញស្បែកក្បាលឱ្យបញ្ចេញជាតិប្រេង ដូច្នេះហើយសម្រាប់អ្នកដែលមានបញ្ហាសក់ឡើងប្រេង សូមព្យាយាមចៀសវាង។
៣.លាងសក់របស់អ្នករាល់ពេល៖ រាល់ពេលបន្ទាប់ពីកក់សក់ ឬលាបក្រែមបន្ទន់សក់ សក់ត្រូវលាងសម្អាតឱ្យបានហ្មត់ចត់ កុំទុកក្រែមបន្ទន់ ឬសាប៊ូកក់សក់ចោល ព្រោះបើមិនលាងចេញទាំងស្រុងទេ វានឹងធ្វើឱ្យសក់អ្នកមានប្រេងកើតឡើងលឿនជាងមុន។
៤.រក្សាខ្នើយនិងស្រោមខ្នើយអោយស្អាត៖ ប្រសិនបើអ្នកអាចធ្វើបាន ស្រោមខ្នើយគួរតែត្រូវបានផ្លាស់ប្តូរម្តងក្នុងមួយសប្តាហ៍ ព្រោះពេលយើងគេងរាល់ថ្ងៃ ជាតិខ្លាញ់នឹងជ្រាបចូលស្រោមខ្នើយ នឹងធ្វើអោយសក់អ្នកឆាប់ឡើងប្រេង។
៥.កាត់បន្ថយការសិតសក់៖ ការសិតសក់ញឹកញាប់ គឺជំរុញស្បែកក្បាលឱ្យផលិតប្រេង ដូច្នេះសក់គួរសិតតិចៗ មិនច្រើនពេក និងមិនតិចពេក ដើម្បីកាត់បន្ថយការរំខានដល់ស្បែកក្បាល ហើយត្រូវរក្សាសក់ឱ្យស្អាតជានិច្ច។
៦.កុំកក់សក់ខ្លាំងពេក៖ នៅពេលកក់សក់ អ្នកមិនគួរប្រើក្រចកដៃដើម្បីកោសដោយហិង្សានោះទេ អ្នកគួរម៉ាស្សាថ្នមៗ ហើយអ្នកក៏មិនគួរសិតសក់ញឹកញាប់ដែរ ព្រោះសកម្មភាពទាំងនេះនឹងភ្ញោច sebum ឱ្យផលិតប្រេង៕
ប្រភព៖sanook
