តាមទស្សនះរបស់ប្រទេសជប៉ុន ទឹកខ្មេះប៉ោមគឺជាគ្រឿងទេសដែលប្រជាជនជប៉ុនចូលចិត្តប្រើប្រាស់ក្នុងការចម្អិនអាហារ រើសបន្លែ រក្សាទុកអាហារ និងប្រើប្រាស់ជាភេសជ្ជៈ ក្នុងជីវិតប្រចាំថ្ងៃ។ តោះដូច្នេះហើយចូលរួមយល់ដឹងអំពីអត្ថប្រយោជន៍នៃទឹកខ្មេះប៉ោមដូចតទៅ៖
១.ធ្វើអោយចរន្តឈាមរត់បានល្អ៖ អាស៊ីតក្រូចឆ្មាមានតួនាទីការពារការកកឈាម និងធ្វើឱ្យឈាមរត់បានស្រួល លើសពីនេះ អាស៊ីតអាសេទិកត្រូវបានបំប្លែងទៅជាអាឌីណូស៊ីនក្នុងរាងកាយ ដែលជួយកាត់បន្ថយសម្ពាធឈាម អាស៊ីតអាមីណូជាច្រើននៅក្នុងទឹកខ្មេះប៉ោមក៏ជួយកាត់បន្ថយកូលេស្តេរ៉ុលអាក្រក់ផងដែរ លទ្ធផលជួយការពារជំងឺលើសឈាម និងជំងឺសរសៃឈាមបេះដូង។
២.កាត់បន្ថយភាពចាស់៖ មាតិកាខ្ពស់នៃក្រូចឆ្មានៅក្នុងទឹកខ្មេះប៉ោមជួយការពារអុកស៊ីតកម្មដែលបណ្តាលឱ្យរ៉ាឌីកាល់សេរីនៅក្នុងខ្លួន ដូច្នេះហើយអ្នកដែលទទួលទានជាប្រចាំនឹងមានសម្រស់ក្មេងជាងវ័យ ហើយមានសុខភាពល្អ។
៣.កាត់បន្ថយការទល់លាមកនិងការពារពោះវៀន៖ ទឹកខ្មេះប៉ោមដែលមានជាតិ fermented នឹងជួយឱ្យប្រព័ន្ធរំលាយអាហាររបស់អ្នកដំណើរការបានល្អ និងជួយឱ្យរាងកាយស្រូបយកសារធាតុចិញ្ចឹមបានពេញលេញ វាក៏ជួយជំរុញចលនាពោះវៀនអោយបានល្អនិងអាចជួយការពារការទល់លាមកផងដែរ។
៤.ធ្វើអោយស្បែកមានសុខភាពល្អ៖ អាស៊ីតអាមីណូជាច្រើននៅក្នុងទឹកខ្មេះប៉ោមនឹងជំរុញការរំលាយអាហារថាមពលស្បែករបស់អ្នក ជួយស្តារស្ថានភាពឡើងវិញបន្ទាប់ពីការបន្តកោសិកាស្បែក។
៥.ជួយសម្រកទម្ងន់៖ អាស៊ីតអាសេទិកនៅក្នុងទឹកខ្មេះប៉ោមមានប្រសិទ្ធភាពកាត់បន្ថយការប្រមូលផ្តុំជាតិខ្លាញ់ក្នុងរាងកាយ និងពន្លឿនការបំប្លែងជាតិខ្លាញ់ដែលប្រមូលផ្តុំក្នុងរាងកាយទៅជាថាមពល លើសពីនេះ អាស៊ីតអាមីណូនៅក្នុងទឹកក្រូចនឹងជួយជំរុញការដុតបំផ្លាញជាតិខ្លាញ់ក្នុងរាងកាយ។
៦.ពង្រឹងមុខងារថ្លើម៖ អាស៊ីតអាមីណូសំខាន់ៗចំនួន ៨ នៅក្នុងទឹកខ្មេះប៉ោមដែលរាងកាយអាចធ្វើការផលិតដោយខ្លួនឯងបាន វានឹងពង្រឹងមុខងារថ្លើមកាន់តែល្អប្រសើរជាងមុន។
៧.បំបាត់ភាពអស់កម្លាំង៖ ទាំងអាស៊ីតអាមីណូ និងអាស៊ីតក្រូចឆ្មានៅក្នុងទឹកខ្មេះប៉ោម គឺល្អសម្រាប់ពន្លឿនការធូរស្បើយពីការហត់នឿយកំដៅ ឬការងារលើសទម្ងន់។
៨.ពង្រឹងឆ្អឹង៖ ទឹកខ្មេះប៉ោមដែលមានជាតិ fermented នឹងជួយកែលម្អការស្រូបយកជាតិកាល់ស្យូមទៅក្នុងរាងកាយ ការផឹក ឬទទួលទានទឹកខ្មេះប៉ោមរួមជាមួយអាហារសម្បូរវីតាមីន D ដូចជាផ្សិត និងត្រីតូចៗ នឹងជួយឱ្យរាងកាយរបស់អ្នកស្រូបយកជាតិកាល់ស្យូមបានល្អប្រសើរ។
៩.កាត់បន្ថយជាតិស្ករដែលលើសនៅក្នុងរាងកាយ៖ ទឹកខ្មេះប៉ោមជាតិ fermented មានប្រសិទ្ធិភាពពន្យឺតការកើនឡើងនៃជាតិស្ករក្នុងឈាមបន្ទាប់ពីអាហាររួច វាជួយការពារជំងឺទឹកនោមផ្អែមផងដែរ៕ ប្រភព៖ sanook
