បើនិយាយពី ការសម្រកទម្ងន់ ពិតណាស់មានស្រីៗជាច្រើនចង់ទទួលបានលទ្ធផលយ៉ាងឆាប់រហ័ស។ ដោយសារតែការសម្រកទម្ងន់នេះវាចាំបាច់ណាស់ក្នុងការផ្លាស់ប្តូរអាកប្បកិរិយាជាច្រើនដើម្បីទទួលបានលទ្ធផលគួរជាទីគាប់ចិត្ត។ ប៉ុន្តែអ្នកត្រូវតែមានឆន្ទៈក្នុងការទទួលទានអាហារមួយចំនួន ហើយក៏ត្រូវបដិសេធមិនទទួលទានអាហារដែលអ្នកចូលចិត្តដែរ ជាពិសេសអ្នកក៏ត្រូវធ្វើលំហាត់ប្រាណផងដែរ។សុភាពនារីណាដែលចង់សម្រកទម្ងន់ ហើយចង់ឃើញលទ្ធផលឆាប់រហ័ស និងមិនប៉ះពាល់ដល់សុខភាពតោះមើលគន្លឹះទាំង 5 ខាងក្រោមនេះ៖
1. ញ៉ាំអាហារគ្រប់គ្រាន់សម្រាប់រាងកាយ
ហេតុអ្វីបានជាអ្នកធ្វើទារុណកម្មរាងកាយរបស់អ្នកដោយការអត់ឃ្លាន? នៅពេលទទួលទានអាហារគ្រប់គ្រាន់ដើម្បីបំពេញតម្រូវការរបស់រាងកាយ វាក៏ជួយរួមចំណែកដល់លទ្ធផលសម្រកទម្ងន់លឿន នឹងមានឥទ្ធិពលវិជ្ជមានទៅលើសុខភាពរាងកាយយើងផងដែរ។ ដើម្បីឱ្យរាងកាយទទួលបានសារធាតុចិញ្ចឹមពេញលេញដែលរាងកាយត្រូវការ ការតមអាហារមិនត្រូវបានណែនាំទេព្រោះវានឹងធ្វើឱ្យរាងកាយចូលទៅក្នុងស្ថានភាពកង្វះកាឡូរី និងធ្វើឱ្យដំណើរការមេតាបូលីសថយចុះផងដែរ។ ដូច្នេះអ្នកត្រូវតែញាំអាហារឱ្យបានគ្រប់គ្រាន់ទៅតាមបរិមាណដែលបានកំនត់ ព្រមទាំងប្រូតេអ៊ីន និងខ្លាញ់ល្អទៀតផង។
2. បង្កើនការទទួលទានប្រូតេអ៊ីន
ក្រៅពីត្រូវញ៉ាំអាហារឲ្យបានច្រើនមុខហើយមិនឃ្លាន។ ក្នុងអំឡុងពេលនៃការសម្រកទម្ងន់យើងគួរបង្កើនបរិមាណអាហារប្រូតេអ៊ីនផងដែរ។ ដោយសារតែប្រូតេអ៊ីនបង្កើនកម្រិតអរម៉ូន satiety និងជួយកាត់បន្ថយចំណង់អាហារ ជំរុញការរំលាយអាហារ ជំរុញការដុតខ្លាញ់ និងជួយកសាងសាច់ដុំផងដែរ។
3. គេងឱ្យបានគ្រប់គ្រាន់
ដើម្បីស្រកទម្ងន់ឱ្យបានឆាប់រហ័ស យើងក៏ត្រូវតែផ្តោតលើការគេងឱ្យបានគ្រប់គ្រាន់ផងដែរ។ ដោយសារតែនៅពេលដែលរាងកាយទទួលបានការសម្រាកមិនគ្រប់គ្រាន់ ឬគេងតិចជាង 5 ម៉ោងនឹងបង្កើនឱកាសនៃការឡើងទម្ងន់យ៉ាងខ្លាំង។ មិនតែប៉ុណ្ណោះវាក៏បង្កើនហានិភ័យដែលរាងកាយប្រមូលផ្តុំជាតិខ្លាញ់កាន់តែច្រើន។ ការគេងមិនគ្រប់គ្រាន់ ឬសម្រាកមិនគ្រប់គ្រាន់ នឹងជំរុញអរម៉ូនស្ត្រេសនេះនឹងនាំឱ្យមានកម្រិតជាតិស្ករក្នុងឈាមខ្ពស់ ហើយក៏ដូចជាការប្រមូលផ្តុំជាតិខ្លាញ់ក្នុងរាងកាយ និងធ្វើឱ្យឡើងទម្ងន់ទៅតាមនោះដែរ
4. លំហាត់ប្រាណស្រាល
ជាការពិតណាស់ លំហាត់ប្រាណនៅតែសំខាន់ ដើម្បីឃើញលទ្ធផលយ៉ាងឆាប់រហ័ស។ ប៉ុន្តែនេះមិនមែនមានន័យថាការធ្វើលំហាត់ប្រាណឱ្យខ្លាំង ឬធ្វើវាឱ្យបានច្រើននោះទេ។ ការធ្វើលំហាត់ប្រាណស្រាលៗប្រហែល 5-7 នាទីក្នុងមួយដង ប្រហែល 5 ដងក្នុង 1 ថ្ងៃ ទម្រង់នៃការហាត់ប្រាណគឺងាយស្រួលដូចជា ដើរ បោសផ្ទះ រត់ ជិះកង់ជាដើម វិធីសាស្ត្រទាំងនេះសុទ្ធតែជួយដុតបំផ្លាញជាតិខ្លាញ់ផងដែរ។
5. កាត់បន្ថយបរិមាណផ្អែម
ការញ៉ាំបង្អែមមានឱកាសឡើងទម្ងន់ខ្ពស់ណាស់។ ដូច្នេះហើយបើចង់ស្រកទម្ងន់លឿនគួរណែនាំស្រីៗឱ្យកាត់បន្ថយការញ៉ាំផ្អែម។ សូមបញ្ជាក់ថា ការកាត់បន្ថយគឺមិនត្រូវបានតមឡើយ គ្រាន់តែបន្ថយជាតិផ្អែមបន្តិចម្តងៗ ព្រោះមិនថាយ៉ាងណា រាងកាយនៅតែត្រូវការជាតិស្ករ។ ប៉ុន្តែប្រសិនបើរាងកាយទទួលបានជាតិស្ករច្រើនពេក មានឱកាសដែលនឹងមានជាតិខ្លាញ់ច្រើន និងធ្វើឱ្យរាងកាយធាត់។
សរុបមកគន្លឹះ 5 យ៉ាងក្នុងការសម្រកទម្ងន់ ឃើញលទ្ធផលឆាប់រហ័ស និងមិនប៉ះពាល់ដល់សុខភាព ដែលពួកយើងបានចែករំលែកដល់មិត្តនារីៗ អាចយកវាទៅព្យាយាមធ្វើតាម ខ្ញុំសង្ឃឹមថាអ្នកចូលចិត្ត ហើយអនុវត្តទាំងអស់គ្នា៕
