អគារមួយកន្លែង ដែលជាព្រះរាជដំណាក់មហាក្សត្រនៅសៀមរាប ក្បែរព្រះអង្គចេក ព្រះអង្គចម ត្រូវបានភ្លើងកំពុងឆាបឆេះយ៉ាងខ្លាំង នាយប់ថ្ងៃទី១២មីនានេះ។
លោក ទៀ សីហា អភិបាលខេត្តសៀមរាប បានថ្លែងថា ហេតុការណ៍នេះបានកើតឡើងនៅម៉ោងប្រមាណ១០៖២០នាទីយប់នេះ ដែលមកទល់ព្រឹកនេះភ្លើងបានរលត់អស់ហើយ។ លោកបន្តនិយាយថា៖ “ចំពោះមូលហេតុនៃភ្លើងឆេះនេះ គឺយើងមិនទាន់ដឹងឡើយនោះទេ”។
ហេតុការណ៍ឆាបឆេះព្រះរាជដំណាក់នេះ បានបង្កភ្ញាក់ផ្អើលជាខ្លាំង សូម្បីតែព្រះអង្គម្ចាស់ចក្រាវុធ ព្រះប្រធានគណៈគណបក្សហ៊្វុនស៊ិនប៉ិចមានព្រះបន្ទូលថា៖ “ដំណឹងដ៏សែនរន្ធត់ជាទីបំផុតព្រះរាជតំណាក់ នាខេត្តសៀមរាបត្រូវភ្លេីងឆេះក្នុងនាមព្រះញាតិវង្សមួយព្រះអង្គ ព្រះអង្គម្ចាស់ មានការសោកជាបំផុត ព្រោះព្រះរាជតំណាក់នេះជាទីកន្លែងសម្រាប់ព្រះករុណាគ្រប់ព្រះអង្គគង់ប្រថាប់៕”
