អត្ថប្រយោជន៍ខុសៗគ្នារវាងផ្លែទំពាំងបាយជូរខៀវនិងផ្លែទំពាំងបាយជូរក្រហម

ទំពាំងបាយជូរមានច្រើនប្រភេទ ដែលមានពណ៌ខុសៗគ្នា ប៉ុន្តែបច្ចុប្បន្នមានការពេញនិយមបំផុតគឺពណ៌ខៀវ និងក្រហម។ មនុស្សជាច្រើនឆ្ងល់ថាតើការញ៉ាំទំពាំងបាយជូរខៀវ ឬទំពាំងបាយជូរក្រហមមួយណាផ្ដល់អត្ថប្រយោជន៍ល្អដល់សុខភាពជាង? ដូចច្នេះហើយតោះយើងមកដឹងអំពីអត្ថប្រយោជន៍របស់ផ្លែទំពាំងបាយជូរខៀវនិងក្រហម៖

អត្ថប្រយោជន៍នៃការទទួលទានផ្លែទំពាំងបាយជូរក្រហម៖
ទំពាំងបាយជូរក្រហមអាចផ្តល់អត្ថប្រយោជន៍ជាច្រើនដល់សុខភាព ទំពាំងបាយជូរក្រហមមានសារធាតុសំខាន់ៗ ៣ គឺ flavonoids quercetin និង resveratrol ។flavonoids គឺសម្បូរទៅដោយសារធាតុចិញ្ចឹមដល់ស្បែកនិងធ្វើអោយយើងមានសុខភាពល្អ។ Resveratrol មានប្រសិទ្ធភាពប្រឆាំងនឹងការរលាក ផ្តល់អត្ថប្រយោជន៍ដល់អ្នកដែលមានជំងឺរលាកសន្លាក់ និងជំងឺសរសៃឈាមបេះដូង ហើយថែមទាំងជួយកាត់បន្ថយហានិភ័យនៃជំងឺមហារីកទៀតផង។ Quercetin គឺជាសារធាតុប្រឆាំងអុកស៊ីតកម្មដ៏មានឥទ្ធិពលដែលអាចប្រឆាំងនឹងរ៉ាឌីកាល់សេរី ការពាររាងកាយពីជំងឺ និងកាត់បន្ថយឥទ្ធិពលនៃភាពចាស់ លើសពីនេះ quercetin ក៏ជាថ្នាំប្រឆាំងនឹងអ៊ីស្តាមីន ដែលអាចជួយកាត់បន្ថយរោគសញ្ញានៃអាឡែស៊ីតាមរដូវ។

អត្ថប្រយោជន៍នៃការទទួលទានទំពាំងបាយជូរខៀវ៖
ដូចទៅនឹងទំពាំងបាយជូរក្រហមដែរ ទំពាំងបាយជូរខៀវមានវីតាមីន C, B1 និង B6 ទំពាំងបាយជូរខៀវក៏មានផ្ទុកសារធាតុ quercetin និង resveratrol ផងដែរ ដូច្នេះវាល្អសម្រាប់បញ្ចុះកូឡេស្តេរ៉ុល និងកាត់បន្ថយហានិភ័យនៃជំងឺសរសៃឈាមបេះដូង។យោងតាមការស្រាវជ្រាវដែលត្រូវបានចេញផ្សាយនៅក្នុងទស្សនាវដ្តី Food Research & Molecular Nutrition ទំពាំងបាយជូរខៀវមានផ្ទុកអាស៊ីត phenolic អាស៊ីត Phenolic អាចការពារកោសិកាពីជំងឺសរសៃប្រសាទ និងជំងឺទឹកនោមផ្អែមបាន៕
ប្រភព៖Phuntoday.com