លោក Vladimir Putin គឺជាមេដឹកនាំដល់ខ្លាំងក្លាមួយ នៅលើពិភពលោក ដោយលោកបានដឹកនាំរុស្សុីឱ្យក្លាយជាប្រទេសមហាអំណាចមួយ គ្មានគូរប្រៀប។
បុរស៧០ឆ្នាំ បានក្លាយជាប្រធានាធិបតីរុស្សុីចំនួន២ដង ដោយលើកទី១នៅឆ្នាំ២០០៨ដល់២០១២ និងលើកទី២ ពីឆ្នាំ ២០១២ មកទល់បច្ចុប្បន្ន ដោយគ្រានោះលោកពូទីនបានឈ្នះឆោតភ្លូកទឹកភ្លូកដី ដែលធ្វើឱ្យប្រជាជនរុស្សុីមួយចំនួនយល់ឃើញថាការបោះឆ្នោតមានភាពមិនប្រក្រតី។
ពូទីនគឺជាមេដឹកនាំ ដែលមានភាពអាថ៍កំបាំងខ្លាំង ដោយសូម្បីតែប្រភពចំណូលរបស់គាត់ក៏មិនមាននរណាដឹងច្បាស់នោះទេ។ យោងតាមគេហទំព័រ Business Insider បានចេញផ្សាយថា លោកពូទីនរកចំណូលបាន៦៧៣ ០០០ ដុល្លារ ក្នុងចន្លោះឆ្នាំ ២០១១ និង ២០១៦ ដែលក្នុងនោះបានមកពីចំណូលប្រចាំឆ្នាំចំនួន ១១២ ០០០ ដុល្លារ។
មិនតែប៉ុណ្ណោះលោកពូទីន ក៏ត្រូវបានគេដឹងថា មានភាគហ៊ុននៅក្នុងក្រុមហ៊ុនជាច្រើន ដោយលោកបានគ្រប់គ្រងភាគហ៊ុន ចំនួន៣៧ភាគរយ នៃក្រុមហ៊ុនប្រេង សួ ហ្គាត់ ណេ តេ ហ្គាស (Surgutneftegaz) , ៤.៥ ភាគរយ នៃក្រុមហ៊ុនឧស្ម័នធម្មជាតិ ហ្គាស់ ព្រម(Gazprom) និង មានចំណែកភាគហ៊ុនច្រើននៅក្នុងក្រុមហ៊ុនទំនិញ ហ្គាន់ វរ (Gunvor)។
លើសពីនេះទៅទៀត លោកក៏បានចំណូលមួយផ្នែកធំ ពីក្រុមពួកមហាសេដ្ឋីជនជាតិរុស្សុី ដែលតែងតែចង់បានអំណាចនៅក្នុងប្រទេសផងដែរ។
ងាកមកមើលទ្រព្យសម្បត្តិរបស់លោកវិញ ត្រូវបានគេប៉ាន់ប្រមាណថាមានចំនួន២១០ពាន់លានដុល្លារឯណោះ សូម្បីតែ Elon Musk ក៏ថា លោកពូទីនជាអ្នកមានជាងគេនៅលើលោកថែមទៀត៕
ប្រភព៖ ca knowledge
