សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានប្រាប់ទៅលោកគ្រូ អ្នកគ្រូដែលបានប្រើវិន័យយកតង់ឌឺ ទៅ ឈូសសក់សិស្សនៅក្នុងវិទ្យាល័យសម្តេចតេជោហ៊ុនសែនសំពៅលូនខេត្តបាត់ដំបងឱ្យកែប្រែឥរិយាបថពីការការប្រើវិធីបង្ខំបែបនេះទៅលើសិស្សហើយគួរប្តូរមកប្រើវិធីអប់រំណែនាំឱ្យសិស្សកាត់សក់ ។
សម្តេចបានមានប្រសាសន៍ថា ៖ “រឿងកាត់សក់សិស្សអស់និយាយតែម្ដងតែ ខ្ញុំនិយាយនេះមិនមែនសំដៅលើគ្រូទូទាំងប្រទេសទេគឺសំដៅទៅលើលោកគ្រូដែលបានធ្វើសកម្មភាពនេះនៅវិទ្យាល័យសម្ដេចហ៊ុនសែនសំពៅលូន ដែលជាវិទ្យាល័យដែលខ្ញុំបានធ្វើឱ្យទៅទៀត ។ លោកគ្រូអើយលោកគ្រូប្រសិន បើយើងចង់តម្រូវមិនចាំបាច់ទៅយក កន្ត្រៃតង់ឌឺទៅឈូសសក់គ្នាកណ្ដាលថ្នាក់អញ្ចឹងទេ,ទៅកូនសិស្សរបស់យើងដូចកូនរបស់យើងអញ្ចឹង។ហៅទៅសក់ហ្នឹងវាមិនទាន់ត្រូវខ្នាតទេអញ្ចឹងរៀបចំកាត់ទៅបើគង់តែមានតង់ឌឺដែរហ្នឹង ហើយបើមើលទៅសក់សិស្សនោះក៏មិនដូចជាវវែងអីដែរ សមតែសក់គ្រូវែងជាងសក់សិស្សទៀតផង រឿងវាអញ្ចឹង”៕
