កីឡាករកូនខ្មែរ-អាមេរិក Nick Taylor ដែលកំពុងមានពាក្យចរចាមអារ៉ាម ថានឹងផ្លាស់មកលីគកំពូលកម្ពុជា Cambodia Premier League នោះ ត្រូវបានមហាជនប្រទះឃើញរូបគេថតក្នុងបទចម្រៀងស្រីកញ្ញា រាប៊ី នៅក្នុងផលិតកម្ម ថោនទៅវិញ ដែលបានបង្កភាពភ្ញាក់ផ្អើលជាខ្លាំង។
កីឡាករ Nick Taylor ត្រូវបានលោក ហុង ដា កោះហៅចូលក្រុមជម្រើសជាតិកម្ពុជា ក្នុងព្រឹត្តិការណ៍ AFF Mitsubishi Electric Cup 2022 ព្រមទាំងរកគ្រាប់បាល់ដំបូឱ្យគោព្រៃកម្ពុជា ទល់នឹងប្រ៊ុយណេ កាលពីថ្ងៃទី២៩ ខែធ្នូ ឆ្នាំ២០២២ នៅពហុកីឡដ្ឋានជាតិមរតកតេជោ ក្នុងរាជធានីភ្នំពេញ។
នៅដើមឆ្នាំ Nick ត្រូវបានបណ្តាលក្រុមនៅលីគកំពូលកម្ពុជា ចាប់អារម្មណ៍ជាខ្លាំង ដោយក្រុមបឹងកេត ត្រូវបានគេចាត់ទុក្ខថាជាក្រុមដែលមានភាគរយខ្ពស់ជាងគេនៃការនាំយកកីឡាកររូបនេះមករួមក្លិប៕