ថ្វីបើទឹកសណ្តែកល្អចំពោះសុខភាពក៏ដោយ តែមិនប្រាកដថាមនុស្សគ្រប់គ្នាសុទ្ធតែផឹកទៅល្អទាំងអស់នោះដែរ។ ក្រុមមនុស្សខាងក្រោមនេះ មិនគួរផឹកទឹកសណ្តែកទេ ព្រោះអាចបង្កទុក្ខទោសបាន។
១ អ្នកដែលមានជំងឺទាក់ទងនឹងប្រព័ន្ធរំលាយអាហារ
ពេលចូលដល់ប្រព័ន្ធរំលាយអាហារ ទឹកសណ្តែកអាចផលិតឧស្ម័នក្រោមសកម្មភាពរបស់អង់ស៊ីម។ ដូច្នេះ អ្នកដែលមានបញ្ហាមិនរំលាយអាហរ ក្រហាយទ្រូង មុខងារក្រពះខ្សោយ មិនគួរផឹកទឹកសណ្តែកឡើយ។ ដើម្បីចៀសវាងក្រពះបញ្ចេញជាតិអាស៊ីតច្រើន ធ្វើឲ្យហើមពោះឬធ្វើឲ្យស្ថានភាពកាន់តែធ្ងន់ធ្ងរ។
២ អ្នកដែលមានបញ្ហាជំងឺតម្រងនោម
សណ្តែកផ្ទុកដោយសារធាតុ Oxalates ដែលសារធាតុនេះអាចលាយជាមួយកាល់ស្យូមក្នុងតម្រងនោមទៅជាក្រួសបាន។ ហេតុនេះ សម្រាប់អ្នកដែលមានជំងឺទាក់ទងនឹងតម្រងនោមមិនគួរផឹកទឹកសណ្តែកទេ។
៣ អ្នកដែលទើបជាសះស្បើយពីការវះកាត់
សម្រាប់អ្នកមានបញ្ហាសុខភាពខ្សោយទើបចេញពីការវះកាត់ ក្រពះពោះវៀនរបស់ពួកគេមិនទាន់ល្អទេ។ ហេតុនេះ បើផឹកទឹកសណ្តែកអាចជះឥទ្ធិពលអាក្រក់បណញតាលឲ្យទៅជាក្អួត ឈឺពោះបាន។
៤ អ្នកមានដុំគីសក្នុងសុដន់
សណ្តែកផ្ទុកដោយសារធាតុ Phytoestrogens ដែលជម្រុញការផលិតអរម៉ូនអ៊ីស្រ្តូសែននៅក្នុងខ្លួន ដូច្នេះហើយធ្វើឲ្យដុំគីសកើនទំហំបាន។ ហេតុនេះ អ្នកដែលមានប្រវត្តិមានបញ្ហាសុដន់ ស្បូន ដុំសាច់អូវែ មិនគួរផឹកទឹកសណ្តែកទេ៕