សម្រាប់មនុស្សស្រី សក់ស្អាត គឺសំខាន់ណាស់។ តែនៅពេលសក់ជ្រុះនឹងធ្វើឲ្យបាត់សម្រស់មួយផ្នែក។ ខាងក្រោមនេះ ជាកំហុសដែលធ្វើឲ្យសក់របស់ជ្រុះដោយមិនដឹងខ្លួន ។
១ មិនហ៊ានកក់សក់រាល់ថ្ងៃ
អ្នកជំនាញនិយាយថា ជាមធ្យមក្នុងមួយថ្ងៃសក់ត្រូវជ្រុះខ្លះជារឿងធម្មតា ហើយបើអ្នកកក់សក់រាល់ថ្ងៃនឹងជួយកាត់បន្ថយចំនួនសក់ជ្រុះនេះបាន។ យ៉ាងណា អ្នកមិនត្រូវកក់សក់ដោយអេះស្បែកក្បាលខ្លាំងៗ ហើយកុំសិតសក់នៅពេលសក់សើម។ ការកក់សក់រាល់ថ្ងៃក៏មិនធ្វើឲ្យស្បែកក្បាលមានជាតិខ្លាញ់ឡើយ លុះត្រាតែអ្នកប្រើក្រែមបន្ទន់ច្រើនពេក ឬហូបអាហារខ្វះជីវជាតិ។
២ មិនហ៊ានប្រើសាប៊ូកក់សក់ឲ្យបានយូរខែ
ប្រសិនបើអ្នកប្រើសាប៊ូកក់សក់រាល់ថ្ងៃ ហើយសង្កេតឃើញថា សាប៊ូដែលប្រើនោះមិនមានផលប៉ះពាល់អ្វីទេ គួរតែបន្តប្រើវា កុំផ្លាស់ប្តូរញឹកញាប់។ ប្រសិនបើចង់ផ្លាស់ប្តូរ អាចពិចារណាបានក្រោយប្រើ៦ខែឬ១ឆ្នាំ។
៣ មិនហ៊ានសម្ងួតសក់ជាមួយម៉ាស៊ីនផ្លុំសក់
នារីមួយចំនួនមិនហ៊ានសម្ងួតសក់ដោយប្រើម៉ាស៊ីនផ្លុំសក់ទេ ព្រោះខ្លាចបំផ្លាញសក់ ដោយពួកគេគេទុកសក់ឲ្យស្ងួតតាមបែបធម្មជាតិ ឬជូតវាដោយប្រើកន្សែងដើម្បីចៀសវាងការប្រើកម្តៅ ឬកម្លាំងខ្យល់។ យ៉ាងណាក្តី នេះមិនមែនជាទម្លាប់ថែរក្សាសក់ឡើយ តែជាការធ្វើឲ្យសក់ឆាប់ខូច។ នៅពេលអ្នកប្រើម៉ាស៊ីនផ្លុំសក់ អ្នកគ្រាន់តែកុំដាក់វាកៀកនឹងស្បែកក្បាល គួរដាក់ចន្លោះពី 10-15cm។ បន្ថែមពីនេះ សម្ងួតត្រឹម ៨០%-៩០% ហើយបន្ទាប់មកទុកវាឲ្យស្ងួតតាមធម្មជាតិបាន។ ម្យ៉ាងទៀត អ្នកគួរប្រើប្រេងលាបសក់មុនសម្ងួតសក់និងត្រូវចាំថា សម្ងួតសក់មុនពេលចូលគេង(បើសម្ងួតនៅពេលយប់)៕
