កោះថាសគឺជាដែនកោះមួយ ដែលមានចម្ងាយប្រមាណ៨គីឡូម៉ែត្រពីឆ្នេរកោះពស់ យើងអាចធ្វើដំណើរទៅកាន់កោះមួយនេះ ដោយជិះទូកចេញពីឆ្នេរកោះពស់ ក្នុងទិសដៅស្របគ្នាជាមួយ ខ្សែទឹកទៅកាន់កោះរ៉ុងនិងរ៉ុងសន្សឹមដោយប្រើពេលប្រមាន៤០នាទីទៅ១ម៉ោង។
កោះនេះ គឺជាកោះតូចមួយ មានទំហំត្រឹមតែ ០,៩ម៉ែត្រការ៉េ និងស្ថិតនៅមិនឆ្ងាយប៉ុន្មានពីក្រុងព្រះសីហនុ ពោលគឺត្រឹមតែ ៧គីឡូម៉ែត្រពីដីគោក។ ចំណុចទាក់ទាញរបស់កោះដ៏តូចនេះ គឺមានព្រៃក្រាស់ និងខៀវស្រងាត់។
បច្ចុប្បន្នកោះនេះ ជាកន្លែងដ៏ទាក់ទាញសម្រាប់ភ្ញៀវទេសចរណ៍ដែលចូលចិត្ត បោះតង់ផ្សងព្រេង នេសាទត្រី មុជទឹកមើលផ្កាថ្ម និង សិក្សាពីធម្មជាតិផ្សេងៗលក្ខណះបែបស្ងប់ស្ងាត់។
ថ្វីបើកោះថាស ជាកោះដ៏ស្រស់ស្អាត ក៏ប៉ុន្តែទីនេះហាក់មិនសូវមានមនុស្សមកកម្សាន្តច្រើន ដូចកោះស្តេច ឬកោះឆ្លាមនោះទេ៕
