សុខភាព៖ ពិតណាស់ការទទួលទានដំណេកគឺជារឿងដ៏សំខាន់ខ្លាំងណាស់ សម្រាប់ជីវិតប្រចាំថ្ងៃប្រសិនបើអ្នកមិនអាចទទួលទានដំណេកបានគ្រប់គ្រាន់ទេ នោះអ្នកនឹងមានបញ្ហាសុខភាពយ៉ាងធ្ងន់ធ្ងរ។
ដូច្នេះថ្ងៃនេះសូមបង្ហាញពីមូលហេតុដែលធ្វើឱ្យអ្នកមានបញ្ហាសុខភាព និងវិធីក្នុងការព្យាបាល៖
លោកវេជ្ជបណ្ឌិត Anongnuch Chawalitthamrong គ្រូពេទ្យឯកទេសនៃមជ្ឈមណ្ឌលពិនិត្យសុខភាព Addlife ក្នុងប្រទេសថៃបានផ្តល់ព័ត៌មានថា ការគេងមិនលក់ពិតជាមិនមែនជាជំងឺទេ ប៉ុន្តែជាបញ្ហានៃការគេងមិនគ្រប់គ្រាន់ ដែលធ្វើឱ្យការភ្ញាក់ពីដំណេកមិនស្រស់ស្រាយ ដែលប៉ះពាល់ដល់ទំនួលខុសត្រូវការងារ និងទំនាក់ទំនងជាមួយអ្នកដទៃ។
លក្ខណៈនៃការគេងមិនលក់ ដូចជាការគេងមិនលក់ ភ្ញាក់ពីគេងញឹកញាប់ គេងបានរយៈពេលខ្លី ភ្ញាក់ពីព្រលឹម ភ្ញាក់ឡើងមិនស្រស់ស្រាយជាដើម។
មូលហេតុនៃការគេងមិនលក់អាចបណ្តាលមកពីកត្តាជាច្រើនដូចជា
១. ភាពតានតឹងអាចបណ្តាលមកពីការងារ ឬបញ្ហាគ្រួសារ
២. ជំងឺផ្លូវកាយដូចជា ឈឺក្បាល ឈឺខ្នង ឈឺសន្លាក់ មានជំងឺផ្លូវចិត្ត ដូចជាជំងឺធ្លាក់ទឹកចិត្តជាដើម។
៣. ថ្នាំមួយចំនួនដូចជា ថ្នាំប្រឆាំងនឹងសម្ពាធឈាម ថ្នាំស្តេរ៉ូអ៊ីត ថ្នាំផ្តាសាយ ថ្នាំកាត់បន្ថយការតឹងច្រមុះ។
៤.សារធាតុរំញោចដូចជា ជាតិកាហ្វេអ៊ីន ជាតិនីកូទីន អាល់កុល
៥. លក្ខខណ្ឌ បរិស្ថានជំវិញមិនសមរម្យ ដូចជា សំឡេងខ្លាំង ភ្លើង សីតុណ្ហភាពក្តៅពេក ឬ ត្រជាក់ ពេក
៦. ការផ្លាស់ប្តូរកាលវិភាគនៃការគេងដូចជា ការធ្វើដំណើរ ការផ្លាស់ប្តូរការងារយប់ និងថ្ងៃ
៧. កង្វះអ័រម៉ូនដូចជា Melatonin អ័រម៉ូនលូតលាស់ អរម៉ូនភេទ
៨. កង្វះសារធាតុចិញ្ចឹម វីតាមីន សារធាតុរ៉ែ ដូចជាស័ង្កសី វីតាមីន B៥ និង tryptophan ជាដើម។
ដំណោះស្រាយការគេងមិនលក់
១. ផ្លាស់ប្តូរអាកប្បកិរិយារបស់អ្នក ចូលគេងហើយភ្ញាក់ទាន់ពេល កុំគេងពេលថ្ងៃ
២. ជៀសវាងតែ កាហ្វេ ជាតិនីកូទីន អាល់កុល
៣. ហាត់ប្រាណជាប្រចាំ ជៀសវាងការធ្វើលំហាត់ប្រាណ ៣-៤ ម៉ោងមុនពេលចូលគេង
៤.កុំទទួលទានអាហារច្រើនៗមុនពេលចូលគេង
៥. ហាមធ្វើកិច្ចការនៅលើគ្រែ
៦. គួរធ្វើឱ្យបរិយាកាសបន្ទប់គេងសមស្រប ស្ងប់ស្ងាត់ ងងឹត មិនក្តៅពេក ឬត្រជាក់ពេក
៧. អាចសម្រាកមុនពេលចូលគេងដោយអានសៀវភៅ ស្តាប់តន្ត្រី
ក៏ប៉ុន្តែក្នុងករណីដែលរាងកាយចាប់ផ្តើមកាន់តែយ៉ាប់យ៉ឺន ការអនុវត្តខាងលើនេះប្រហែលជាមិនទទួលបានការប្រសើរឡើងទេ ដូច្នេះអ្នកគួរតែទៅជួបគ្រូពេទ្យ ដោយត្រូវតែចាប់ផ្តើមស្វែងរកមូលហេតុ និងព្យាបាលជាពិសេស៕ ប្រភព៖ Sanook