រថក្រោះដំបូងគេក្នុងប្រវត្តិសាស្ត្រពិភពលោក ត្រូវបានផលិតរួចរាល់ជាស្ថាពរនៅថ្ងៃទី ០៦ កញ្ញា ឆ្នាំ ១៩១៥ ដោយចក្រភពអង់គ្លេស ដែលមានឈ្មោះថា លីត ថល វីល លី(Little Wille)។
រថក្រោះនេះ មានទម្ងន់ ១៤ តោន និងអាចធ្វើដំណើរលើផ្លូវដែលមានស្ថានភាពលំបាក បានក្នុងល្បឿនត្រឹមតែ ៣គីឡូម៉ែត្រ ក្នុងមួយម៉ោងប៉ុណ្ណោះ។
គំនិតក្នុងការផលិតរថក្រោះ កើតឡើងដោយឧត្ដមសេនីយ៍ អឺ នេស ស្វីត តុន (Ernest Swinton) និង រដ្ឋលេខាគណៈកម្មាធិការកងទ័ពអង់គ្លេស វីលីម៍ ហេក ឃី (William Hankey)។ អ្នកទាំងពីរបានដាក់សំណើនេះ ទៅលោករដ្ឋមន្ត្រីកងទ័ពជើងទឹកអង់គ្លេស វីន ស្តុន ឆឺច ឈីល (Winston Churchill។) មិនចាំយូរ លោក វីន ស្តុន (Winston) ក៏បានរៀបចំឱ្យមានគណៈកម្មការ ដើម្បីអភិវឌ្ឍការផលិតរថក្រោះតែម្ដង។
ថ្វីបើវាជារថក្រោះដំបូងគេមែន ក៏ប៉ុន្តែវាត្រូវបានគេដាក់រហសនាមថា “រថក្រោះគ្មាបានការ”។ ជាក់ស្តែងដោយសារតែបច្ចេកវិទ្យាមិនទាន់ទំនើប នាសម័យនោះរថក្រោះ លីត ថល វីល លី(Little Wille) មិនមានលទ្ធភាពបាញ់ចេញគ្រាប់នោះទេ ពោលគឹបានតែដឹងមនុស្ស និងសម្ភារៈចាំបាច់តែប៉ុណ្ណោះ។
ចាប់តាំងពីពេលនោះមក មនុស្សចាប់ផ្ដើមដឹងពីសក្ដានុពលនៃរថក្រោះ ហើយចាប់ផ្ដើមអភិវឌ្ឍយានចម្បាំងមួយនេះរហូតទំនើបដូចដែលបានឃើញនាពេលបច្ចុប្បន្ន។
គួរបញ្ជាក់ោងដែរថា គ្រានោះ អង់គ្លេសផលិតរថក្រោះនេះ ដើម្បីឆ្លើយតបនឹងការប្រយុទ្ធដែលកំពុងក្ដៅគគុកក្នុងសង្គ្រាមលោកលើកទីមួយ។ កាលនោះអង់គ្លេសនៅក្នុងប្លុកសម្ព័ន្ធមិត្ត (ជាមួយបារាំង និងរុស្ស៊ី) ហើយត្រូវប្រយុទ្ធនឹងប្លុកម្ខាងទៀតដឹកនាំដោយអាល្លឺម៉ង់ និងអូទ្រីសហុងគ្រី៕
ប្រភព៖ History