រាល់ពេលទទួលទានជាតិអាល់កុល ច្បាស់ណាស់ថាមនុស្សជាច្រើនប្រាកដជាស្រវឹង និងវង្វេងស្មារតី ដូច្នេះហើយតែងតែត្រូវបានគេធ្វើការហាមឃាត់នូវការបើកបរ និងធ្វើសកម្មភាពមួយចំនួនដែលអាចបណ្ដាលឲ្យកើតមានគ្រោះថ្នាក់ណាមួយជាយថាហេតុ ។ ជាក់ស្ដែងចំពោះអាហារមួយចំនួន ក៏ត្រូវបានគេធ្វើការហាមឃាត់មិនឲ្យទទួលទានកំឡុងពេលអ្នកទទួលទានជាតិអាល់កុលផងដែរ ព្រោះតែត្រូវបានគេរកឃើញថា វាអាចបណ្ដាលឲ្យកើតមាននូវគ្រោះថ្នាក់ធ្ងន់ធ្ងរចំពោះសុខភាព ។
ថ្ងៃនេះKBN យើងសូមលើកយកនូវអាហារមួយចំនួនដែលត្រូវបានហាមឃាត់មិនឲ្យទទួលទានអំឡុងពេលទទួលទានជាតិអាល់កុលជាដាច់ខាត ៖
- ទទួលទានសាច់ក្រក (Sausage )
កំឡុងពេលអ្នកទទួលទានជាតិកាល់កុល រឿងចាំបាច់បំផុតដែលអ្នកគួរតែដឹងនោះ គឺហាមដាច់ខាតទទួលទានសាច់ក្រក ។ ព្រោះបើយោងទៅតាមអ្នកជំនាញផ្នែកអាហាររូបត្ថម្ភបានបង្ហាញឲ្យដឹងថា នៅក្នុងសាច់ក្រកមានផ្ទុកនូវសារធាតុអ៊ីដ្រូកាបូន , ប៉ូលីស៊ីលីន និងអាស៊ីតអាមីណូ ។ ប្រសិនជាអ្នកទទួលទានអាហារទាំង២នេះជាមួយគ្នា នោះវាងាយនឹងបង្កើតជាសារធាតុបង្កគ្រោះថ្នាក់ដល់ប្រព័ន្ធរំលាយអាហារ រួមទាំងនាំឲ្យកើតមានជំងឺទាក់ទងទៅនឹងដុំសាច់ថែមទៀតផង ។
មិនតែប៉ុណ្ណោះ ការទទួលទានសាច់ក្រកដែលដាក់លក់នៅទីផ្សារ ត្រូវបានគេដឹងថាវាច្រើនតែត្រូវបានផ្សំឡើងជាមួយនឹងសារធាតុបន្ថែម និងសារធាតុរក្សាទុកដែលធ្វើឲ្យប៉ះពាល់ចំពោះសុខភាព ។ ដូច្នេះប្រសិនជាអ្នកទទួលទានរួមជាមួយនឹងសារធាតុអាល់់កុលនោះ វាអាចនឹងបណ្ដាលឲ្យមានផលប៉ះពាល់យ៉ាងធ្ងន់ធ្ងរចំពោះ ផ្លើម តម្រងនោម បំពង់ក ព្រមទាំងអាចបង្កទៅជាជំងឺមហារីកផងដែរ ។
- ទទួឡទានផ្លែការ៉ុត
ដោយសារតែការ៉ុត មានផ្ទុកនូវសារធាតបេតា និងការ៉ូទីនខ្ពស់ ដូច្នេះហើយវាមិនស័ក្ដិសមសម្រាប់ការទទួលទានជាមួយនឹងជាតិអាល់កុលនោះទេ ។ ព្រោះបើយោងទៅតាមការស្រាវជ្រាវជាច្រើនបានបង្ហាញថា សារធាតុទាំង២នេះ នៅពេលទទួលទានជាមួយគ្នា នោះវាងាយនឹងបង្កើតជាតិពុលដែលបំផ្លាញថ្លើម ។ លើសពីនេះទៅទៀត នៅពេលដែលអ្នកទទួលទានវាក្នុងពេលតែមួយជាមួយនឹងផ្លែការ៉ុតនោះ សមាសធាតុវីតាមីន A និង E ដែរមាននៅក្នុងការ៉ុត នឹងត្រូវបានបំផ្លាញ ជាហេតុធ្វើឲ្យបាត់បង់នូវសារធាតុចិញ្ចឹមទាំងអស់ រួមទាំងផ្ដល់នូវផលមិនល្អចំពោះសុខភាពថែមទៀតផង។