ប្រភពព័ត៌មានពីរដ្ឋបាលខេត្តព្រះសីហនុ បានឲ្យដឹងថា បច្ចុប្បន្នភាព គិតត្រឹមម៉ោង១៦និង៣០នាទីរសៀល ថ្ងៃទី២៩ ខែកញ្ញា ឆ្នាំ២០២២នេះ មានករណីប្រទះឃើញសាកសព ចំនួន០៨នាក់បានអណ្ដែតមកដល់ឆ្នេរសមុទ្រកោះត្រល់ ខាងប្រទេសវៀតណាម។ តាមការសន្និដ្ឋានសាកសពទាំងអស់នេះគឺជាជនរងគ្រោះលិចទូក។
សូមជម្រាបជូនថាគិតត្រឹមម៉ោងនេះ ជនរងគ្រោះជាជាតិចិនចំនួន៤១នាក់ ដែលជួបហេតុការណ៍លិចទូកត្រូវបានជួយសង្គ្រោះ និងរកឃើញគ្រប់ចំនួនហើយ ដោយក្នុងនោះកម្ពុជាសង្គ្រោះ និងរកឃើញចំនួន២៤នាក់ (ស្លាប់០៣នាក់) និងវៀតណាមសង្គ្រោះនិងរកឃើញចំនួន១៧នាក់ (ស្លាប់០៨នាក់)៕
ប្រភព: ក្រសួងព័ត៌មាន