កីឡាករខ្មែរ-អាមេរិក Nick Taylor ត្រូវបានលោក Keisuke Honda កោះហៅចូលក្នុងក្រុមជម្រើសជាតិកម្ពុជា នឹងធ្វើដំណើរមកដល់អាកាសយានដ្ឋានអន្តរជាតិរាជធានីភ្នំពេញ នាវេលាម៉ោង៣រសៀលថ្ងៃព្រហស្បតិ៍ ទី១៥ ខែកញ្ញា ឆ្នាំ២០២២ នេះ។
កីឡាករជម្រើសជាតិកម្ពុជា ចំនួន២៤នាក់ ត្រូវបានសហព័ន្ធកីឡាបាល់ទាត់កម្ពុជា ប្រកាសបង្ហាញបញ្ជីឈ្មោះជាផ្លូវការនៅព្រឹកថ្ងៃពុធ នេះដោយមានកីឡាករ Nick Taylor (ថេឡ័រ នីកូឡាស់ ឌឿង )ផងដែរ។បច្ចុប្បន្ននេះ កីឡាករវ័យ ២៤ឆ្នាំ រូបនេះ ប្រកបអាជីពនៅក្រុម Orlando City B ក្នុងពានរង្វាន់ MLS Next Pro របស់សហរដ្ឋអាមេរិក។
គួរបញ្ជាក់ផងដែរថា កម្ពុជានឹងត្រូវប្រកួតមិត្តភាពអន្តរជាតិជាមួយក្រុមជម្រើសជាតិបង់ក្លាដេស វេលាម៉ោង៧យប់នៅថ្ងៃទី២២ ខែកញ្ញា ឆ្នាំ២០២២ ខាងមុខ៕