ប្រទេសឥណ្ឌូណេស៊ីភ្ញាក់ផ្អើលទៀតហើយ! ក្រោយរញ្ជួយដីចំនួនបីដងបានអង្រួនយ៉ាងខ្លាំង រហូតដល់ ៦.២ រ៉ិចទ័រដែលមានជម្រៅត្រឹមតែ ១៥ គីឡូម៉ែត្រប៉ុណ្ណោះ។
នាថ្ងៃទី១០ ខែកញ្ញា ឆ្នាំ២០២២ សារព័ត៌មាន AFP បានរាយការណ៍ថា ការស្ទាបស្ទង់ភូមិសាស្ត្រសហរដ្ឋអាមេរិក (USGS) បាននិយាយថា មានការរញ្ជួយដីកម្រិត ៦.២ រ៉ិចទ័រ ជាមួយនឹងចំណុចកណ្តាលរបស់វានៅភាគខាងកើតនៃទីក្រុង Abepura ក្នុងខេត្ត Papua ប្រទេសឥណ្ឌូនេស៊ី ប្រហែល២៧០គីឡូម៉ែត្រ និងជម្រៅ ១៥ គីឡូម៉ែត្រ កាលពីព្រឹកមិញនេះ។
ក្នុងនោះមិនយូរប៉ុន្មានក៏ស្រាប់តែ ការរញ្ជួយដីលើកទី២បានកើតឡើងដែលមានកម្រិត ៥.៨រ៉ិចទ័រ និងមានរលករញ្ជួយទី៣មានកម្រិត ៥.៩រ៉ិចទ័រ ក្នុងជម្រៅ ៣២គីឡូម៉ែត្រ។
ជាមួយគ្នានោះការិយាល័យឧតុនិយមអាកាសធាតុ បានបញ្ជាក់ថាដំបូងឡើយពុំមានរបាយការណ៍នៃការស្លាប់នោះទេ ប៉ុន្តែបានព្រមានថាអាចនឹងមានទំហំធំនៃការខូចខាតទ្រព្យសម្បត្តិប្រជាពលរដ្ឋ និង សម្បត្តិសាធារណៈច្រើន។
គួរបញ្ជាក់ផងដែរថាប្រទេសឥណ្ឌូនេស៊ីជាប្រទេសមួយក្នុងចំណោមប្រទេសដែលរងគ្រោះរញ្ជួយដី ខ្លាំងបំផុតក្នុងពិភពលោក ដោយគិតត្រឹមខែមករា ឆ្នាំ២០២១ គ្រោះរញ្ជួយដីកម្រិត ៦.២រ៉ិចទ័របានវាយប្រហារខេត្ត Sulawesi មនុស្សជាង ១០០ នាក់បានស្លាប់ និងរាប់ម៉ឺននាក់ទៀតគ្មានផ្ទះសម្បែងស្នាក់នៅ៕
