បេះដូង គឺជាសរីរាង្គដ៏សំខាន់បំផុតមួយសម្រាប់រាងកាយមនុស្ស ក្នុងការទទួលខុសត្រូវលើការបូមឈាមដែលមានអុកស៊ីហ្សែនខ្ពស់ ។ ដោយឡែកចំពោះ “សន្ទះបេះដូង” ក៏បានដើរតួនាទីយ៉ាងសំខាន់ក្នុងការគ្រប់គ្រងលំហូរឈាមក្នុងទិសដៅត្រឹមត្រូវ ពេលបេះដូងច្របាច់និងសម្រាកផងដែរ ។
ប៉ុន្តែប្រសិនបើសន្ទះបេះដូងមានសភាពខុសប្រក្រតី ឬមានការលេចធ្លាយនោះ វានឹងធ្វើឲ្យឈាមអាចហូរថយក្រោយ ឬមិនទៅក្នុងទិសដៅត្រឹមត្រូវ ដែលជាហេតុធ្វើឱ្យសាច់ដុំបេះដូងធ្វើការកាន់តែខ្លាំង ព្រមទាំងធ្វើឲ្យបេះដូងរីកធំអាចកើតឡើង និងជាហេតុបណ្ដាលឲ្យស្ទះសរសៃឈាមបេះដូង។ ជាងនេះទៅទៀតក្នុងករណីខ្លះវាក៏អាចបង្កើនជាហានិភ័យនៃការស្លាប់ដោយសារជំងឺខ្សោយបេះដូងថែមទៀតផង ។
យ៉ាងណាមិញ ចំពោះជំងឺនៃការធ្លាយសន្ទះបេះដូង ក៏ត្រូវបានគេដឹងថា គឺជាជំងឺមួយ ដែលធ្វើការ«គំរាមកំហែងដោយស្ងៀមស្ងាត់បំផុត» ព្រោះពេលវាកើតឡើងចំពោះ វានឹងមិនបង្ហាញរោគសញ្ញាច្បាស់ភ្លាមៗនោះទេ ។ ដោយការសិក្សាជាច្រើនបានរកឃើញថា មានករណីខ្លះវាត្រូវចំណាយពេលរហូតដល់ទៅ ៤០ឆ្នាំ ទើបវាធ្វើការបង្ហាញនូវរោគសញ្ញាធ្ងន់ធ្ងរចំពោះអ្នកជម្ងឺ។
ជាមួយគ្នានេះ បើយោងទៅតាមលោកវេជ្ជបណ្ឌិត Tassanai Channonong ជាអ្នកឯកទេសជំងឺបេះដូង នៃមន្ទីរពេទ្យ World Medical Hospital (WMC) ក៏បានធ្វើការបង្ហាញប្រាប់ពីមូលហេតុដែលនាំអោយមានការលេចធ្លាយសន្ទះបេះដូងដូចខាងក្រោម៖
-
- បណ្ដាលមកពីភាពមិនប្រក្រតីនៃសន្ទះបេះដូងពីកំណើត
- សន្ទះបេះដូងកាន់តែយ៉ាប់យ៉ឺនទៅតាមអាយុ
- សន្ទះបេះដូងកាន់តែក្រាស់ ហើយចាប់ផ្តើមមានថ្មកំបោរដែលនឹងកកកុញនៅក្នុងជាលិកា
- ជំងឺបេះដូង rheumatic ជំងឺនេះច្រើនកើតលើកុមារ វានឹងចាប់ផ្តើមពីការឆ្លងStreptococcus នៅក្នុងកញ្ចឹងករាងកាយនឹងផលិតភាពស៊ាំប្រឆាំងនឹងបេះដូងខ្លួនឯង រហូតដល់រលាកសន្ទះបេះដូង ជាលទ្ធផលធ្វើឲ្យសន្ទះបេះដូងត្រូវរួមតូច និងលេចធ្លាយ
- ការឆ្លងមេរោគសន្ទះបេះដូង ឬមេរោគអាចចេញពីមាត់ តាមរយៈការប្រើប្រាស់សឺរ៉ាំង ឬម្ជុលមិនស្អាត ដូចជាការចោះបបូរមាត់ ការចោះប្រដាប់ភេទជាដើម …
- ជំងឺសរសៃឈាមបេះដូង ដែលនាំឱ្យដាច់សរសៃឈាមបេះដូង និងសន្ទះបិទបើកបេះដូងដើរតាម អ្នកដែលមានហានិភ័យក្នុងក្រុមនេះគឺបុរសអាយុលើសពី 40 ឆ្នាំ ឬស្ត្រីលើសពី 50 ឆ្នាំ និងអស់រដូវ រួមទាំងអ្នកដែលមានជំងឺទឹកនោមផ្អែម លើសឈាម ធាត់ អ្នកជក់បារី ឬមកពីការតំណពូជជាដើម។