ផ្លូវការ! BLACKPINK ប្រកាសកាលបរិច្ឆេទ និងទីតាំង ធំៗ នៃការប្រគំតន្ត្រីទេសចរណ៍ពិភពលោក

ក្រុមចម្រៀងនារីល្បីឈ្មោះប្រចាំវិស័យ K-POP គឺ BLACKPINK បានធ្វើឲ្យអ្នកគាំទ្ររីករាយជាខ្លាំង បន្ទាប់ពីប្រកាសជាផ្លូវការអំពីកាលបរិច្ឆេទ និងទីតាំងធំៗជាច្រើន នៃព្រឹត្តិការណ៍ប្រគំតន្ត្រីទេសចរណ៍របស់ខ្លួន។

ការប្រគំតន្ត្រីរបស់ក្រុមនារីនេះ នឹងចាប់ផ្តើមនៅទីក្រុងសេអ៊ូលតែម្តង ក្នុងតុលា ខាងមុខ មុននឹងចេញទៅទីក្រុងធំៗនៃបណ្តាប្រទេសជាច្រើនទៀត។ ចាប់ផ្តើមនៅទីក្រុងសេអ៊ូលនៅថ្ងៃទី១៥ និង១៦ ខែតុលា បន្ទាប់មក ក្រុមនេះនឹងចេញដំណើរភ្លាមៗទៅកាន់អាមេរិកខាងជើង ជាកន្លែងដែលពួកគេនឹងសម្តែងចំនួន១០ show នៅក្នុងទីក្រុងចំនួន៧ ផ្សេងៗគ្នានៅទូទាំងសហរដ្ឋអាមេរិក និងកាណាដា។

បន្ថែមពីនេះ នៅចុងខែវិច្ឆិកា ដល់ខែធ្នូ BLACKPINK នឹងទៅតំបន់អឺរ៉ុប ហើយបន្ទាប់មកទៅអាស៊ី និងមជ្ឈិមបូព៌ាក្នុងឆ្នាំថ្មី (២០២៣)។ នៅរដូវក្ដៅបន្ទាប់ ក្រុមនេះនឹងធ្វើដំណើរទៅកាន់ប្រទេសអូស្ត្រាលី និងនូវែលសេឡង់បន្ថែមទៀត៕