ជាទូទៅនៅក្នុងថ្ងៃមករដូវ ស្រ្ដីជាច្រើនតែងតែជួបប្រទះនូវអាការៈចុកពោះនិងអស់កម្លាំង ព្រមទាំងមានអារម្មណ៍មួមៅមិនស្រួលក្នុងរាងកាយផងដែរ ។ ដូច្នេះហើយទើបជាហេតុដែលស្រ្ដីត្រូវបានគេហាមឃាត់ចំពោះអាហារ និងភេសជ្ជៈមួយចំនួនដែលអាចធ្វើឲ្យអាការៈទាំងនោះកាន់តែធ្ងន់ធ្ងរ ។ សូម្បីតែផ្លែឈើមួយចំនួន ដែលជាធម្មតាល្អសម្រាប់រាងកាយក៏ស្ថិតក្នុងចំណោមអាហារដែលត្រូវបានគេហាមឃាត់ចំពោះស្រ្ដីមករដូវធ្វើការបរិភោគផងដែរ ។
ខាងក្រោមនេះជាផ្លែឈើដែលស្រ្ដីមិនគួរទទួលទានក្នុងថ្ងៃមករដូវនោះឡើយ ៖
- ផ្លែស្រកានាគ
ជាទូទៅផ្លែស្រកានាគ គឺជាផ្លែឈើមួយប្រភេទដែលសម្បូរទៅដោយសារធាតុចិញ្ចឹមសម្រាប់រាងកាយ។ជាមួយគ្នានេះវាក៏នាំមកនូវអត្ថប្រយោជន៍សុខភាពដ៏មានតម្លៃជាច្រើនដូចជា ការបន្ថែមសារធាតុប្រឆាំងអុកស៊ីតកម្ម ការពារជំងឺមហារីក និងពង្រឹងប្រព័ន្ធការពាររាងកាយជាដើម ។ ទោះជាយ៉ាងណាក៏ដោយ ចំពោះស្ត្រីដែលមករដូវមិនគួរទទួលទានវាឡើយ ។ មូលហេតុគឺដោយសារតែផ្លែស្រកានាគជាផ្លែឈើត្រជាក់ ដោយរាងកាយពេលមករដូវមានកម្លាំងខ្សោយ ដូច្នេះបើអ្នកញ៉ាំផ្លែស្រកានាគនោះវានឹងធ្វើឲ្យរាងកាយអ្នកត្រជាក់ខ្លាំង ធ្វើឲ្យរដូវមកមិនបានល្អ ព្រមទាំងបណ្ដាលឲ្យមានការឈឺចាប់ថែមទៀតផង ។
- ផ្លែព្រូន
ផ្លែព្រូន គឺជាផ្លែឈើដែលមនុស្សជាច្រើនចូលចិត្ត ព្រោះវាមានរសជាតិជូរអែម និងឈ្ងុយឆ្ងាញ់។ ដោយការទទួលទានផ្លែព្រូនច្រើនគឺបានផ្ដល់ផលល្អសម្រាប់បេះដូង ភ្នែក បង្កើនចរាចរឈាម ជួយសម្រកទម្ងន់… ។ ប៉ុន្តែសម្រាប់ស្ត្រីនៅថ្ងៃមករដូវ ការញ៉ាំផ្លែព្រូនមិនបានផ្ដល់ផលល្អសម្រាប់ពួកគេឡើយ ។ ព្រោះវាអាចធ្វើឱ្យរដូវមកមិនទៀងទាត់ និងមានការឈឺចាប់ពេលមករដូវ។ ដូច្នេះ ដើម្បីធានាដល់សុខភាព យកល្អស្ត្រីគួរតែកុំទទួលទានផ្លែឈើនេះជាដាច់ខាត ។
- ផ្លែទម្លាប់
ផ្លែទម្លាប់ គឺជាផ្លែឈើដែលមានរសជាតិផ្អែមឈ្ងុយឆ្ងាញ់មួយប្រភេទ ដែលមនុស្សជាច្រើនចូលចិត្ត មិនត្រឹមតែប៉ុណ្ណោះ វាក៏មានសមត្ថភាពក្នុងការជួយកាត់បន្ថយជាតិស្ករក្នុងឈាម និងការពារជំងឺមហារីកបានថែមទៀតផង ។ ទោះជាយ៉ាងណាក៏ដោយ ផ្លែទម្លាប់ទាំងអស់នេះមិនសាកសមចំពោះស្រ្ដីដែលមករដូវនោះឡើយ ព្រោះវាអាចជំរុញការកន្ត្រាក់ស្បូន កាត់បន្ថយការមករដូវ ពន្យារការមករដូវ និងបណ្តាលឱ្យមានការឈឺចាប់ពេលមករដូវធ្ងន់ធ្ងរថែមទៀតផង ។
- ផ្លែឳឡឹក
នៅរដូវក្ដៅ វាពិតជាសាកសមណាស់ក្នុងការញ៉ាំឪឡឹកដែលមានជាតិក្រអូប ផ្អែម នឹងត្រជាក់ចិត្ត។ ប៉ុន្តែវានឹងមិនសាកសមចំពោះស្រ្ដីក្នុងថ្ងៃមករដូវនោះទេ បើយោងទៅតាមឱសថបុរាណចិនជឿថា ផ្លែឪឡឹកមានសារធាតុរំលាយខ្លាំងបំផុត។ ដែលអាចធ្វើឲ្យឈាមត្រូវបានជំរុញដោយកំដៅយ៉ាងងាយស្រួល ជាហេតុធ្វើឱ្យមានឈាមកក។ ក្រោយពេលមានឈាមកក នោះរដូវមិនអាចហូរចេញបានឡើយ រហូតធ្វើឱ្យខូចស្បូន នឹងនាំឱ្យឈឺចាប់ពេលមករដូវធ្ងន់ធ្ងរផងដែរ ។
- ផ្លែស្វាយ
ផ្លែស្វាយទុំ ផ្អែមមានក្លិនក្រអូបឈ្ងុយឆ្ងាញ់ ឬផ្លែស្វាយខ្ចីជូរ តែងតែជាផ្លែឈើដែលមនុស្សគ្រប់គ្នាចូលចិត្ត ជាពិសេសស្ត្រី។ ដោយផ្លែស្វាយពិតជាមានអត្ថប្រយោជន៍ដ៏អស្ចារ្យជាច្រើនចំពោះសុខភាពដូចជា ល្អសម្រាប់ភ្នែក ការពារជំងឺមហារីក ល្អខ្លាំងសម្រាប់ស្បែក ព្រមទាំងអត្ថប្រយោជន៍ជាច្រើនទៀត។ ទោះបីជាយ៉ាងនេះក្តី ផ្លែស្វាយមិនសាកសមសម្រាប់ស្រ្ដីមករដូវនោះឡើយ ព្រោះវាអាចបង្កឱ្យមានការកន្ត្រាក់ស្បូន ដែលជាមូលហេតុធ្វើឲ្យមានការឈឺចាប់ពេលមករដូវ នេះក៏ដោយសារតែផ្លែស្វាយមានផ្ទុកនូវវីតាមីន C និងអាស៊ីតជាច្រើនផងដែរ ។