ទម្លាប់នៃការរស់នៅមិនល្អ គឺជាមូលហេតុដ៏ចម្បងបំផុតមួយដែលផ្ដល់នូវផលអវិជ្ជមានចំពោះសុខភាពជាខ្លាំង ។ជាពិសេសចំពោះយុវវ័យសម័យបច្ចុប្បន្ននេះ ដែលភាគច្រើនពួកគេមិនសូវយកចិត្តទុកដាក់ក្នុងចំពោះសុខភាពឡើយ ជាហេតុធ្វើឲ្យពួកគេប្រឈមនឹងហានិភ័យនៃជំងឺកាចសាហាវខ្ពស់ រួមទាំងមានអាយុសង្ឃឹមរស់ខ្លីផងដែរ ។
ដោយខាងក្រោមនេះ គឺជាទម្លាប់សាមញ្ញៗមួយចំនួនដែលប្រៀបដូចជាការបំផ្លាញសុខភាពរាងកាយ ៖
- សាកទូរស័ព្ទក្បែរខ្លួនពេញមួយយប់
ដោយយោងទៅតាមអ្នកជំនាញ បានបង្ហាញប្រាប់ឲ្យដឹងថា ការសាកថ្មទូរស័ព្ទក្បែរខ្លួនរបស់អ្នកពេញមួយយប់ គឺពិតជាផ្ដល់នូវផលគ្រោះថ្នាក់យ៉ាងធ្ងន់ធ្ងរចំពោះសុខភាព ។ នេះក៏ដោយសារតែទូរស័ព្ទមានផ្ទុកនូវជាតិវិទ្យុសកម្មជាច្រើន ដែលធ្វើឲ្យប៉ះពាល់ចំពោះសុខភាព អសកម្មចំពោះខួរក្បាល ព្រមទាំងស្រូបយកនូវសារធាតុចិញ្ចឹមពីក្នុងខ្លួនអ្នកផងដែរ ។ លើសពីនេះវាក៏អាចបណ្ដាលឲ្យឆក់ ឬផ្ទុះថ្មទូរស័ព្ទនៅពេលអ្នកកំពុងតែគេងលក់មិនដឹងខ្លួន រហូតដល់បាត់បង់ជីវិតផងដែរ ។
– មិនធ្វើលំហាត់ប្រាណ
ដោយអ្នកជំនាញបានធ្វើការណែនាំថា យ៉ាងហោចណាស់មនុស្សគ្រប់គ្នាគួរតែហាត់ប្រាណឲ្យបាន 150 នាទីនៃការធ្វើលំហាត់ប្រាណកម្រិតមធ្យមឬ 75 នាទីនៃសកម្មភាពខ្លាំងក្លាក្នុងមួយសប្តាហ៍។ប្រសិនបើអ្នកមិនមិនធ្វើលំហាត់ប្រាណទេនោះ វាអាចបង្កឲ្យអ្នកប្រឈមជាមួយជំងឺជាច្រើន ជាពិសេសជំងឺលើសខ្លាញ់ និងលើសទម្ងន់ ។ ជាងនេះទៅទៀត វាក៏អាចបង្កឲ្យកើតមាននូវជំងឺគាំងបេះដូង រហូតគ្រោះថ្នាក់ដល់អាយុជីវិតថែមទៀតផង ។
– មើលទូរទស្សន៍ ឬទូរស័ព្ទច្រើន
នៅក្នុងពេលបច្ចុប្បន្ន មនុស្សស្ទើតែទូទាំងពិភពលោកដែលបានប្រើប្រាស់អ៊ីនធឺណិត រហូតធ្វើឲ្យពួកគេស្ទើតែបាត់បង់ការទំនាក់ទំនងជាមួយមនុស្សជុំវិញខ្លួន ។ដោយភាគច្រើននៃអ្នកប្រើប្រាស់ទាំងអស់នោះ ពួកគេមិនបានដឹងទេថា សម្មភាពទាំងនេះបានភ្ជាប់វាទៅនឹងផលប៉ះពាល់ចំពោះជាខ្លាំង ។ មិនត្រឹមតែប៉ុណ្ណោះវាក៏បណ្ដាលឲ្យប៉ះពាល់ចំពោះសកម្មភាពប្រចាំថ្ងៃរបស់ពួកគេផងដែរ ដូចជាការគេងមិនលក់ , អស់កម្លាំង ព្រមទាំងកាត់បន្ថយសកម្មភាពរាងកាយផងដែរ ។