ថៃ៖ កាលពីវេលាម៉ោង ២១ និង៥៥នាទី កាលពីយប់ថ្ងៃទី៣១ ខែកក្កដា ឆ្នាំ២០២២ បំណែកស្ពានអាកាស ដែលកំពុងសាងសង់មួយដុំ បានធ្លាក់លើរថយន្តមួយគ្រឿង ដែលកំពុងបើកបរលើផ្លូវរ៉ាម៉ា២ ត្រង់ចំណុចផ្លូវជាតិខាងមុខមន្ទីរពេទ្យវិផារ៉ាម ខេត្តសាមុតសាខុន បណ្តាលឲ្យរថយន្តនោះរងការខូចខាតយ៉ាងដំណំ។ នេះបើយោងតាមប្រភពសារព័ត៌មាន thairath ។
យោងតាមរបាយការណ៍បឋមបានបញ្ជាក់ថា មានមនុស្សចំនួន ៣នាក់បានរងរបួស និង ០១នាក់ស្លាប់បាត់បង់ជីវិត។ ស្ពានអាកាសនោះ គឺជាស្ពានអាកាសបត់ត្រឡប់ក្រោយ (U-Turn) ដែលស្ថិតនៅក្បែរមន្ទីរពេទ្យ Vibharam ទីរួមស្រុកខេត្ត Samut Sakhon ស្ថិតលើផ្លូវ Rama 2 កាត់ចូលទីក្រុងបាងកក ហើយក្រោយកើតហេតុមានការកកស្ទះចរាចរណ៍យ៉ាងខ្លាំង៕
សូមប្រិយមិត្តអញ្ជើញទស្សនាវីដេអូ ដូចខាងក្រោម៖