ការងូតទឹក គឺជារឿងដ៏សំខាន់មួយសម្រាប់មនុស្សគ្រប់គ្នាធ្វើជារៀងរាល់ថ្ងៃ ដើម្បីសម្អាតមេរោគបាក់តេរីកខ្វក់ចេញពីរាងកាយ។ មិនត្រឹមតែប៉ុណ្ណោះ វាក៏ជួយឲ្យអ្នកមានអនាម័យ និងសុខភាពល្អផងដែរ ។ ជាពិសេសសម្រាប់នារីៗ អំឡុងពេលងូតទឹក គួរយកចិត្តទុកដាក់លើ ២ ចំណុចខាងក្រោមនេះ ដែលវានឹងជួយជំរុញឲ្យចលនាឈាមរត់បានល្អ និងជួយឱ្យរាងកាយមានសុខភាពល្អ ជៀសឆ្ងាយពីជំងឺរោគស្ត្រី។
– ក្បាលពោះ
ក្បាលពោះប្រហែលជាកន្លែងដែលមនុស្សជាច្រើនមិនសូវយកចិត្តទុកដាក់ខ្លាំងពេកនោះនៅពេលងូតទឹក។ ប៉ុន្តែប្រសិនបើអ្នកសម្អាតតំបន់នេះឱ្យបានហ្មត់ចត់ វាក៏អាចជំរុញការរំលាយអាហារនៅក្នុងតំបន់ពោះ និងជួយឱ្យឈាមរត់បានល្អប្រសើរ។ បន្ថែមពីនេះវាក៏មានប្រសិទ្ធិភាពបង្កើនកំដៅនៅលើស្បូន ដើម្បីកាត់បន្ថយរោគសញ្ញានៃការឈឺចាប់ពេលមករដូវ និង កាត់បន្ថយហានិភ័យនៃជំងឺរោគស្ត្រីផងដែរ ។
– ម្រាមជើង
ទីតាំងមួយក្នុងចំណោមទីតាំងដែលមនុស្សជាច្រើនងាយមើលរំលងនៅក្នុងរាងកាយនោះគឺ ម្រាមជើង ។ ប៉ុន្តែប្រសិនបើអ្នកសម្អាតតំបន់ម្រាមជើងឱ្យបានហ្មត់ចត់នោះ វាអាចសម្អាតបានទាំងបាក់តេរីនៅលើជើង និងជួយជំរុញចរន្តឈាមក្នុងរាងកាយផ្នែកខាងក្រោមបានយ៉ាងមានប្រសិទ្ធភាព ដូច្នេះវាមានប្រយោជន៍ខ្លាំងណាស់សម្រាប់សុខភាពស្ត្រី។
សរុបមកការងូតទឹកមិនត្រឹមតែជាទម្លាប់មួយដើម្បីលាងសម្អាតភាពកខ្វក់ និងភាពហត់នឿយក្នុងរាងកាយប៉ុណ្ណោះទេ ប៉ុន្តែថែមទាំងជួយឲ្យជៀសឆ្ងាយពីជំងឺផ្សេងៗផងដែរ។ ដូច្នេះហើយ បើអ្នកយកចិត្តទុកដាក់សម្អាតពោះ និងម្រាមជើងពេលងូតទឹកឱ្យបានច្រើន នោះវានឹងមានប្រសិទ្ធភាពជំរុញចលនាឈាមរត់ក្នុងរាងកាយ ធ្វើឱ្យស្បូនមានភាពកក់ក្តៅ បំបាត់ការឈឺចុកចាប់ពេលមករដូវ និងជៀសឱ្យឆ្ងាយពីជំងឺរោគស្ត្រីបានយ៉ាងល្អផងដែរ ។
