ប្រទេសថៃ៖ នាថ្ងៃទី២៩ ខែកក្ដដា ឆ្នាំ២០២២ ទីភ្នាក់ងារអភិវឌ្ឍន៍បច្ចេកវិទ្យាអវកាស និងភូមិសាស្ត្រព័ត៌មានវិទ្យា (អង្គការសាធារណៈ) ឬ GISTDA ដោយមជ្ឈមណ្ឌលស្រាវជ្រាវបច្ចេកវិទ្យាអវកាស ឬមជ្ឈមណ្ឌលស្រាវជ្រាវបច្ចេកវិទ្យាអវកាស បានព្រមានថាមានផ្នែកខ្លះនៃរ៉ុក្កែតឈ្មោះថា Long March 5B នឹងធ្លាក់មកផែនដីនៅថ្ងៃអាទិត្យ ទី៣១ ខែកក្កដា ឆ្នាំ២០២២។
ក្នុងនោះវាក៏អាចប៉ះពាល់ដល់ប្រទេសថៃ ដោយសារតែវត្ថុអវកាសនេះឆ្លងកាត់ខ្សែរបន្ទាត់ប្រទេសថៃជារៀងរាល់ថ្ងៃ (គន្លងតាមបន្ទាត់ពណ៌បៃតងដូចបង្ហាញក្នុងរូបភាព) វត្ថុអវកាសមានទម្ងន់ប្រហែល ២១ តោន ប៉ុន្តែក្នុងអំឡុងពេលធ្លាក់វត្ថុអវកាសមកផែនដី នឹងមានទម្ងន់ស្រាលជាងមុន ដោយសារតែបំណែកមួយចំនួនត្រូវឆេះនៅក្នុងបរិយាកាស។
ជាមួយគ្នានោះបេសកកម្មរបស់រ៉ុក្កែតឈ្មោះ Longmarch 5B ត្រូវបានបំផ្ទុះ ឡើងនៅថ្ងៃអាទិត្យ ទី ២៤ ខែកក្កដា ឆ្នាំ ២០២២ ដើម្បីនាំយក Wentian ដែលជាម៉ូឌុលទីពីរ ដើម្បីភ្ជាប់ទៅកាន់ស្ថានីយអវកាស Tianhe ដោយមានគោលបំណងលើកទឹកចិត្តឱ្យអវកាសយានិកធ្វើការពិសោធន៍ស្រាវជ្រាវនៅក្នុងលំហបន្ត។
ទោះជាយ៉ាងណាក៏ដោយ ដោយពិចារណាលើហានិភ័យដែលនឹងកើតឡើងនៅថ្ងៃទី២៩ ប្រទេសថៃមានឱកាសទទួលរងផលប៉ះពាល់ត្រឹមតែ ១.២ភាគរយប៉ុណ្ណោះដែលវាជាឱកាសទាបណាស់ ហើយសម្រាប់ប្រទេសកម្ពុជាយើងមិនមានការប៉ះពាល់ ឬស្ថិតនៅចំណុចនៃខ្សែរបន្ទាត់នៃការធ្លាក់នេះទេ។ តែទោះជាយ៉ាងណាក៏ដោយ GISTDA នឹងតាមដានយ៉ាងដិតដល់នូវស្ថានភាព និងតំបន់ដែលមានហានិភ័យនៃការធ្លាក់សមាសធាតុរ៉ុក្កែត ហើយនឹងបន្តរាយការណ៍ពីវឌ្ឍនភាព៕ ប្រភព៖ Sanook
