កម្មវិធី សង្វៀនគុនខ្មែរជើងឯកពិភពលោក (World Fight) នឹងមកដល់នៅក្នុងថ្ងៃនេះ ដោយអ្នកគាំទ្រកំពុងទន្ទឹងរងចាំការបង្ហាញសមត្ថភាពពីកីឡាករលំដាប់ពិភពលោក ប៊ូខាវ។
ទន្ទឹមគ្នានេះនឹងគូប៊ូខាវ ប៉ះជាមួយកីឡាករសញ្ជាតិប៊ែលឡារុស Dmitry Varats នោះ ក៏មានគូកម្ពុជាចំនួន៤គូទៀតផងដែរ ដោយមានការចូលរួមពីកីឡាករម៉ឺន មេឃា, បឺត សង្ឃឹម, កាន់ ម៉េងហុង និង ទូច ចន្ទវត្តីផងដែរ។ សម្រាប់កីឡាករកម្ពុជាទាំង៤រូបនេះ នឹងត្រូវធ្វើការប្រកួតជាមួយកីឡាករបរទេសទាំងអស់។
គួរបញ្ជាក់ផងដែរថា កម្មវិធីប្រដាល់ដែលរៀបចំដោយក្រុមហ៊ុន PTT Cambodia និងគោជល់ នេះនឹងចាប់ផ្ដើមប្រកួតសប្ដាហ៍ទី១ របស់ខ្លួននៅថ្ងៃទី៦ ខែកក្កដា ឆ្នាំ២០២២ នៅពហុកីឡដ្ឋានមរតកតេជោ។ កម្មវិធីនឹងចាប់ផ្ដើមពីម៉ោង ៥ល្ងាចតទៅ និងផ្សាយផ្ទាល់តាមទូរទស្សន៍បាយ័ន៕
