ប្រធានសហព័ន្ធបាល់ទាត់ពិភពលោក លោក Gianni Infantino គ្រោងនឹងដាក់អោយប្រើប្រាស់នូវ អជ្ញាកណ្តាលខ្សែបន្ទាត់ ដែលជាមនុស្សយន្ត ដោយចាប់បាល់ជំហក្រៅល្បែង (Offside) ដោយស្វ័យប្រវត្តិ នៅក្នុងព្រឹត្តិការណ៍ World Cup 2022 នៅប្រទេសហ្គាតា។
បច្ចេកវិទ្យានេះ ស្រដៀងទៅ VAR ដែរ ក៏ប៉ុន្តែវាទំនើបជាបន្តិច ដោយកីឡាករម្នាក់ៗ នឹងត្រូវបានកាំមេរ៉ាចំនួន១០គ្រាប់ ដេញតាមចាប់ រាល់ចលនាបម្លាស់ទីផ្សេងៗ។ ពេលដែលកីឡាករស្ថិតនៅក្នុងជំហក្រៅល្បែង (Offside) វានឹងផ្តល់សញ្ញាភ្លាមៗទៅដល់អជ្ញាកណ្តាលនៅក្នុងទីលាន។
គួរបញ្ជាក់ផងដែរថា World Cup 2022 នៅប្រទេសហ្គាតា នឹងចាប់ផ្តើមនៅថ្ងៃទី ២១ ខែវិច្ឆកា ដល់ថ្ងៃទី ១៨ ខែធ្នូ ឆ្នាំ ២០២២ ខាងមុខនេះ៕
ប្រភព: ESPN
