ក្រោយពីបញ្ចប់បេសកម្មសុីហ្គេមនៅប្រទេសវៀតណាម និងជួយអោយក្រុមជម្រើសជាតិទទួលបានសំរិទ្ធថែមទៀតនោះ ពេលនេះកីឡាករកម្ពស់ខ្ពស់ជិត២មែ៉ត្រ វឿន វាសនា បានផ្លាស់ទៅចូលរួមជាមួយក្រុម Long An នៅក្នុងប្រទេសវៀតណាម។
អាំង សេរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានបញ្ជាក់ថា ការទៅលេងរបស់កីឡាករ វឿន វាសនា នេះត្រឹមរយៈពេល២សប្ដាហ៍ប៉ុណ្ណោះ ដោយលេងនៅក្លឹប Long An ប្រទេសវៀតណាម។ ក្នុងការចេញទៅលេងនេះជាលើកទី១ហើយសម្រាប់កីឡាករកម្ពុជា ដែលទទួលបានតម្លៃខ្លួនខ្ពស់បែបនេះ។
រំលឹកថា វឿន វាសនា ជាកីឡាករទី២ របស់វិសាខា និងជាកីឡាករទី៣របស់កម្ពុជាដែលចេញទៅលេងនៅក្រៅប្រទេស ហើយទទួលស្គាល់ដោយសហព័ន្ធបាល់ទះពិភពលោក( FIVB )៕
