អន្តរជាតិ៖ ម្ចាស់ជើងឯក Bundesliga Bayern Munich បានប្រកាសកាលពីថ្ងៃពុធ ទី០១ ខែមិថុនា ឆ្នាំ២០២២ អំពីការបើកការិយាល័យក្លឹបនៅទីក្រុងបាងកក ដែលជាទីតាំងទី៣ របស់ពួកគេនៅខាងក្រៅប្រទេសអាល្លឺម៉ង់។ នេះបើយោងតាមការចុះផ្សាយរបស់សារព័ត៌មាន BangkokPost ។
ក្លឹបបាននិយាយនៅក្នុងសេចក្តីថ្លែងការណ៍មួយថា បន្ទាប់ពីបានបើកអគារនៅទីក្រុងញូវយ៉កក្នុងឆ្នាំ២០១៤ និងទីក្រុងសៀងហៃក្នុងឆ្នាំ២០១៧ ការិយាល័យនៅក្នុងរដ្ឋធានីនឹងបម្រើផលប្រយោជន៍របស់ Bayern នៅក្នុងតំបន់អាស៊ីអាគ្នេយ៍ ឥណ្ឌា និងអូសេអានី។
លោក Oliver Kahn នាយកប្រតិបត្តិក្លឹបបាននិយាយថា «ការិយាល័យនៅទីក្រុងបាងកក គឺជាជំហានដ៏សំខាន់មួយសម្រាប់ក្លឹប FC Bayern ឫសគល់របស់យើងគឺនៅទីក្រុង Munich និង Bavaria ប៉ុន្តែគោលដៅរបស់យើងគឺការផ្លាស់ប្តូរដោយផ្ទាល់ប្រកបដោយនិរន្តរភាពជាមួយអ្នកគាំទ្ររបស់យើងនៅជុំវិញពិភពលោក»។
លោកបានបន្តទៀតថា យើងរីករាយដែលអាចធ្វើឱ្យក្លឹបរបស់យើង និងអ្វីដែលវាតំណាងឱ្យកាន់តែជាក់ស្តែងសម្រាប់អ្នកគាំទ្ររាប់លាននាក់នៅអាស៊ីអាគ្នេយ៍។
បច្ចុប្បន្នមានក្លឹបអ្នកគាំទ្រ Bayern Munich ចំនួន៣៩ ប្រទេសនៅអាស៊ីអាគ្នេយ៍ ហើយក្លឹបយក្ស Bundesliga បានរៀបចំការប្រកួតយុវជន និងវគ្គបណ្តុះបណ្តាលជាប្រចាំនៅក្នុងតំបន់ដើម្បីកំណត់អត្តសញ្ញាណទេពកោសល្យ ៕
