កាលពីពេលថ្មីនេះៗ Elon Musk ត្រូវបានគេចោទប្រកាន់ថា បានបង់ប្រាក់ចំនួន២៥មុឺនដុល្លារ ទៅឱ្យនារីបម្រើការលើយន្តហោះម្នាក់( Cubin Crew) ក្រោយពីលោកបានស្នើសុំនារីម្នាក់នោះមករួមមេត្រីជាមួយលោកនៅលើយន្តហោះ។
ហេតុការណ៍នេះ បានកើតឡើងតាំងពីឆ្នាំ២០១៦មកម្លេះ នាអំឡុងពេល Elon Musk ធ្វើដំណើរទៅទីក្រុងឡុងដ៍ ។ នៅពេលធ្វើដំណើរលើយន្តហោះនោះ ស្ថាបនិក SpaceX ខាងលើ បានហៅនារីអាកាសចរណ៍ម្នាក់ មិនបង្ហាញឈ្មោះ អោយទៅម៉ាស្សា ពេញដងខ្លួន នៅក្នុងបន្ទប់គាត់។ មិនតែប៉ុណ្ណោះនៅពេលកំពុងម៉ាស្សា Elon Musk បានដកកន្សែងចេញពីដងខ្លួនបង្ហាញប្រដាប់ភេ.ទ។
យ៉ាងណាក៏ដោយ នារីបម្រើការលើយន្តហោះនោះមិនបានយល់ព្រមតាមសំណើរបស់ Elon Musk នោះទេ ដោយនាងបានបង្ហាញការតូចចិត្តជាខ្លាំង និងបានលើកឡើងថា”នេះជាការហោះហើរ ដ៏អាក្រក់បំផុតរបស់ខ្ញុំ ក្នុងនាមជាអ្នកបម្រើការលើយន្តហោះ។”
ជាក់ស្តែងព័ត៌មានទាំងនេះបានបែកធ្លាយតាមរយៈមិត្តរបស់នាង ដែលជាអ្នកបម្រើការនៅលើយន្តហោះនោះ ដោយកាលពីឆ្នាំ ២០១៨ នាងបានជួលមេធាវី ម្នាក់ទៅប្តឹងលោក Elon Musk ក៏ប៉ុន្តែហាក់ដូចជាមិនបានផលអ្វីឡើយ។
ក្រោយមកដល់បច្ចុប្បន្នក៏មានព័ត៌មានបែកធ្លាយថា Elon Musk បានបង់ប្រាក់ដល់ទៅ២៥មុឺនដុល្លារ ទៅឱ្យនារីបម្រើលើយន្តហោះម្នាក់នោះ និងប្រាប់កុំឱ្យនាង និយាយអាក្រក់ពីរូបលោក។ ជាពិសេស កុំនិយាយពាក់ព័ន្ធជាមួយ និងកេរ្តិ៍ឈ្មោះរបស់ក្រុមហ៊ុន Tesla និង SpaceX៕
ប្រភព: The Verge
