រាជធានីភ្នំពេញ ៖ លោកផែង វណ្ណៈ បានបញ្ជាក់ថា បុរសដែលជេរមាថរូបលោក ហើយលោកបានប្រកាសស្វែងរកផ្ទះនេះ គឺសមត្ថកិច្ចនគរបាលខេត្តកំពង់ធំ បានរកឃើញហើយ ។ តែយ៉ាងណា គេមិនដឹងថា លោកផែង វណ្ណៈ ធ្វើការដោះស្រាយជាមួយបុរសរូបនោះដូចម្តេចទេ។
សូមបញ្ជាក់ថា កាលពីព្រឹកមិញ លោកផែង វណ្ណៈ បានក្តៅចិត្តឆេវទាំងព្រឹក ព្រោះមានបុរសម្នាក់បានជេរប្រមាថលោក ហើយបានបង្ហោះហ្វេសប៊ុកប្រកាសរកផ្ទះបុរសរូបនោះ ដោយផ្តល់រង្វាន់ជាប្រាក់ចំនួន១០លានរៀលទៀតផង ដល់អ្នកប្រាប់ពីទីតាំងដែលបុរសជាម្ចាស់គណនីហ្វេសប៊ុក Lanh San កំពុងរស់នៅ។
លោកផែង វណ្ណៈ បញ្ជាក់ថា «បងប្អូនណានៅឃុំកំពង់ថ្ម ខេត្តកំពង់ធំ ស្គាល់ មេត្តាជួយប្រាប់ខ្ញុំផង ខ្ញុំនឹងជូនសារគុណ១០លានរៀល បើបងប្អូនណាបង្ហាញផ្ទះរបស់បុគ្គលនេះដល់ខ្ញុំបាទ ។ គាត់ប្រើឡាន Lexus RX330 ផ្លាកលេខ 2AJ-4558 ភ្នំពេញ ប្រហែលផ្ទះលក់ទូរស័ព្ទ ។
មូលហេតុ អត់មានរឿងអីសោះ ចូលមកជេរប្រមាថខ្ញុំទាំងព្រឹក ដោយប្រើគណនីហ្វេសប៊ុកឈ្មោះ Lanh San ។ សូមផ្ដល់ព័ត៌មានតាមតេឡេក្រាម 012 933 883 អរគុណច្រើន»។
ជុំវិញនឹងករណីនេះ «KBN» រង់ចាំការបកស្រាយពីបញ្ជាក់ពីគ្រប់ភាគីពាក់ព័ន្ធទាំងអស់៕
