អន្តរជាតិ៖ Tieu Can តារាស្រី TikToker ល្បីល្បាញក្នុងប្រទេសចិន ស្រាប់តែបាត់ខ្លួនជាងពីរខែក្រោយមក ប៉ូលិសបានរកឃើញសាកសពរបស់នាងជាប់គាំងក្នុងទូទឹកកកនៅអគារផ្ទះល្វែង។ នេះបើយោងតាមការចុះផ្សាយរបស់សារព័ត៌មាន Zingnews ។
កាលពីប៉ុន្មានឆ្នាំមុន Tieu Can បានជួបប្តីរបស់គាត់ឈ្មោះ Vuong (អាយុ២៨ឆ្នាំ មកពីទីក្រុង Quang Nguyen ខេត្ត Sichuan ប្រទេសចិន។ កាលដើមឡើយពួកគេជាកម្មករធម្មតា លក្ខខណ្ឌគ្រួសារទាំងសងខាងមានកម្រិតទាប ក្រោយពីស្រលាញ់គ្នាបានមួយរយៈ Tieu Can ក៏មានផ្ទៃពោះ ពួកគេបានរៀបការយ៉ាងឆាប់រហ័ស ហើយជីវិតរស់នៅប្រចាំថ្ងៃ Tieu Can គឺជាអ្នករកលុយដើម្បីចិញ្ចឹមគ្រួសារទាំងស្រុង ខណៈប្ដីមានតួនាតីត្រឹមតែជាអ្នកមើលកូនតែប៉ុណ្ណោះ។
ចាប់តាំងពីពេលនោះមកពួកគេក៏បានរស់នៅជាមួយគ្នាយ៉ាងមានសេចក្ដីសុខស្រាប់តែឈានមកដល់ខែកុម្ភៈ ប្ដីប្រពន្ធគេទាំង២ ក៏បានមានរឿងឈ្លោះប្រកែកគ្នាយ៉ាងខ្លាំង ខណៈប្ដីបានអានសាររបស់ភរិយាដោយចៃដន្យជាមួយបុរសផ្សេងៗគ្នាជាច្រើន របៀបចែចង់គ្នា បន្ទាប់មកបានលោកក៏បានមើលដល់ឃ្លីបដ៏រសើបដែល Tieu Can បានថតដោយខ្លួនគាត់ និងបានផ្ញើទៅឱ្យពួកគេ ដែលជាហេតុធ្វើឲ្យលោក Vuong ផ្ទុះកំហឹងយ៉ាងខ្លាំងរហូតដល់ជ្រុលដៃច្របាច់កប្រពន្ធរហូតដល់ស្លាប់បាត់បងជីវិតរួចក៏បានយកសពនាងដាក់នៅក្នុងទូរទឹកកក។
ចាប់តាំងពីថ្ងៃនោះមក គ្មានអ្នកណាបានឃើញ Tieu Can ធ្វើបច្ចុប្បន្នភាពស្ថានភាពរបស់នាងឡើយ នាងលែងផ្សាយបន្តផ្ទាល់ដើម្បីទាក់ទងជាមួយអ្នកគាំទ្រទៀតហើយ សូម្បីតែម្ដាយនាងខលមកទូរស័ព្ទក៏គ្មានអ្នកទទួល គាត់ក៏បានទៅកន្លែងធ្វើការរបស់នាងដើម្បីស្វែងរកកូនស្រី ប៉ុន្តែលោក Vuong បាននិយាយថា Tieu Can កំពុងចេញទៅក្រៅជាមួយមិត្តភ័ក្តិ លោកចេះតែផ្ដល់ចម្លើយបែបនេះ លើកទី២ និងលើកទី៣ ក្នុងរយៈពេលជាងដែលជាហេតុធ្វើម្ដាយបានដាក់ការសង្ស័យរួចក៏បានរាយការណ៍ប្រាប់ប៉ូលិស ។
តាមរយៈការត្រួតពិនិត្យព័ត៌មានរួមជាមួយនឹងការឆែកមើលទីតាំងលេខទូរសព្ទប៉ូលិសបានកំណត់ថា Tieu Can នៅតែនៅផ្ទះ នាងមិនមានព័ត៌មានអំពីសំបុត្ររថភ្លើង ឬសំបុត្រយន្តហោះរបស់នាងទេ។ អ្វីដែលប្លែកនោះគឺគណនីបណ្ដាញសង្គមរបស់នាងបានធ្លាក់ចុះជាង២ខែមកហើយ។
ប៉ូលីសក៏បានចុះទៅដល់ផ្ទះរបស់នាងហើយក៏បានប្រទះឃើញបុរសជាប្ដីនៅផ្ទះតែម្នាក់ រួចប៉ូលីសក៏បានធ្វើការសាកសួរតាមដំណើររឿងប៉ុន្តែបុរសជាប្ដីមានការភិតភ័យជាខ្លាំង ភ្នែករបស់គាត់ក្រឡាប់ចាក់ចុះឡើងដែលជាហេតុធ្វើឲ្យប៉ូលីសសង្ស័យហើយក៏បានសុំដីកាចាប់ខ្លួនបុរសជាប្ដីជាបន្ទាន់។
លុះពេលទៅដល់ប៉ុស្តិ៍ប៉ូលិសដោយសារតែរងសម្ពាធខ្លាំងពីការសួរចម្លើយបុរសជាប្ដីក៏បានសារភាពថាខ្លួនគឺជាអ្នកសម្លាប់ប្រពន្ធដោយផ្ទាល់ដៃ ព្រោះតែខ្លួនកើតភ្លើងប្រច័ណ្ឌឃើញប្រពន្ធញ៉ែញ៉ងគ្នាតាមទូរស័ព្ទជាមួយមនុស្សប្រុសជាច្រើន។ ហើយចំពោះការសម្លាប់វិញគឺខ្លួនបានចាប់ច្របាច់កនាងរហូតដល់ដាច់ដង្ហើម ហើយក៏បានយកសាកសពរបស់នាងដាក់ចូលក្នុងទូទឹកកកដែលមានរយៈពេលជាង២ខែមកហើយ។
អយ្យការប្រជាជនទីក្រុង Quang Nguyen កាត់ទោសលោក Vuong ពីបទមនុស្សឃាត។ ករណីនេះកំពុងត្រូវបានតុលាការប្រជាជននៃខេត្ត Quang Nguyen នៃខេត្ត Sichuan ចាត់ការ។
