រាជធានីភ្នំពេញ ៖ ស្រីស្អាតចូលចិត្តបញ្ចេញស្ទីលសិចស៊ី កញ្ញា រតនៈ ពិសី បានសម្រេចចិត្តបោះទុនប្រមាណជាង២០ម៉ឺនដុល្លារ បើកជំនួញរកស៊ីថ្មីមួយបន្ថែមទៀត នៅសង្កាត់បឹងសាឡាង ខណ្ឌទួលគោក ដោយមានការជួយជ្រោមជ្រែងយ៉ាងយកចិត្តទុកដាក់ ពីសំណាក់គូស្នេហ៍របស់នាង ដែលកំពុងរស់នៅទឹកដីអាមេរិក។
តារាចម្រៀងចូលចិត្តបញ្ចេញភាពសិចស៊ី ដើមទ្រូងទ្រលុកទ្រលន់ រតនៈ ពិសី បានឲ្យដឹងថា នាងបើក ក្រុមហ៊ុនមួយឈ្មោះថា អេលីខេភី ត្រេឌីង ឯ.ក ដែលក្រុមហ៊ុននេះ គឺជាក្រុមហ៊ុនស្របច្បាប់ ទទួលបានវិញ្ញាបនបត្រ ពីក្រសួងពាណិជ្ជកម្ម និងទទួលបានសិទ្ធនាំចូលផលិតផលអាហារបំប៉ន សុខភាពពីសហរដ្ឋអាមេរិក ហើយការបើកក្រុមហ៊ុននេះដែរ គឺចំណាយដើមទុនប្រមាណជាង ២០ម៉ឺនដុល្លារ ។ ក្រុមហ៊ុនរបស់ខ្ញុំ បាននាំចូលផលិតអាហារបំប៉នសុខភាពសុទ្ធ ពីសហរដ្ឋអាមេរិក ដើម្បីយកមកលក់នៅក្នុងប្រទេសកម្ពុជា តាមរយៈការបើកជាម៉ាត មានឈ្មោះថា អ៊ិចស្ព្រេសម៉ាត ។
តារាចម្រៀងរាងតូចច្រឡឹងរូបនេះ បញ្ជាក់ថា ការនាំចូលផលិតអាហារបំប៉នសុខភាព និងផលិតផលផ្សេងៗទៀត ពីសហរដ្ឋអាមេរិក យកមកលក់នៅក្នុងប្រទេសកម្ពុជានេះ គឺមានការជួយជ្រោមជ្រែងសម្របសម្រួល ពីសំណាក់គូស្នេហ៍របស់ខ្លួន ដែលជាអ្នករស់នៅលើទឹកដីអាមេរិកស្រាប់។ គូស្នេហ៍របស់នាង បានជួយសម្របសម្រួលទាក់ទងនឹងផ្នែកច្បាប់ សេវាទំនិញឆ្លងដែន ម៉ាកផលិតផល និងការបង់ពន្ធជាដើម ដើម្បីឲ្យទំនិញ និងផលិតផលទាំងអស់នេះ យកមកចរាចរដោយស្របច្បាប់នៅក្នុងប្រទេសកម្ពុជា។
សូមបញ្ជាក់ថា ស្រីស្អាត រតនៈ ពិសី ត្រូវបានគេដឹងថា នាងមានគូស្នេហ៍ដែលជាអនិកជនខ្មែរ រស់នៅអាមេរិក ហើយសព្វថ្ងៃនេះ តារារូបនេះមានជំនួញធំៗចំនួន៣នៅក្នុងដៃ ក្នុងនោះរួមមាន ទី១ ហាងម៉ាស្សា ស្ប៉ា និងស្ទីម, ទី២ ហាងសាឡន កាត់សក់ ម៉ាស្សាមុខ សំអាតត្រចៀកសម្រាប់បុរស និងទី៣ គឺទើបចាប់ផ្តើមបើកមីនីម៉ាត លក់និងនាំចូលផលិតផលអាហារ បំប៉នសុខភាពសុទ្ធ ពីអាមេរិក៕.jpg)
