លោកអ្នកប្រាកដជាធ្លាប់បានស្គាល់និងដឹងខ្លះៗមកហើយ ទាក់ទិនទៅនឹងប្រវត្ថិរបស់ព្រះនាងម្ចាស់ Kako ដែលជាបុត្រីទី២របស់ព្រះអង្គម្ចាស់ និង ម្ចាស់ក្សត្រី នៃប្រទេសជប៉ុន និងជាសមាជិកនៃគ្រួសារអធិរាជក្នុងប្រទេសជប៉ុន ។ ហើយថ្ងៃនេះផងដែរ KBN យើងនឹងធ្វើការលើកយកនូវប្រវត្ថិខ្លះៗរបស់ទ្រង់ និងជីវិតឯកជន របស់ទ្រង់មកធ្វើការបង្ហាញជូនប្រិយមិត្តទាំងអស់ឲ្យបានជ្រាបកាន់តែច្បាស់ ។ ថាតើព្រះនាងម្ចាស់ Kako មានប្រវត្ថិបែបណាខ្លះ ? ហើយរសជាតិជីវិតរបស់ទ្រង់មានលក្ខណៈយ៉ាងដូចម្ដេចខ្លះ ?
ព្រះនាងម្ចាស់ Kako ប្រសូត្រនៅថ្ងៃទី ២៩ ខែធ្នូ ឆ្នាំ១៩៩៤ នៅក្នុងមន្ទីរពេទ្យដែលជាទីភ្នាក់ងារគ្រួសារអធិរាជក្នុងព្រះបរមរាជវាំង Chiyoda ទីក្រុងតូក្យូ។ ដោយទ្រង់គឺជាបុត្រីទី២របស់ព្រះអង្គម្ចាស់ Fumihito និង ម្ចាស់ក្សត្រី Kiko Kawashima នៃប្រទេសជប៉ុន និងជាសមាជិកនៃគ្រួសារអធិរាជក្នុងប្រទេសជប៉ុន។ ព្រមទាំងជាក្មួយស្រីបង្កើតរបស់អធិរាជ Naruhito និងជាចៅស្រីច្បងទីពីររបស់អធិរាជ Emeritus Akihito និង ម្ចាស់ក្សត្រី Empress Emerita Michiko ។ ហើយទ្រង់មានបងប្អូនចំនួន ៣នាក់ គឺបងស្រីម្នាក់ ដែលជាម្ចាស់ក្សត្រី Mako Komuro និងប្អូនប្រុសម្នាក់គឺព្រះអង្គម្ចាស់ Hisahito ។
ចំពោះប្រវត្ថិសិក្សារបស់ទ្រង់វិញ ដោយនៅខែមេសា ឆ្នាំ 2001 ព្រះនាង Kako បានចាប់ផ្តើមចូលសិក្សានៅសាលាបឋមសិក្សា Gakushuin ហើយបានបញ្ចប់ការសិក្សានៅខែមីនា ឆ្នាំ 2007 ។ បន្ទាប់មកទ្រង់ក៏បានបន្តការសិក្សានៅវិទ្យាល័យ Gakushuin Girls’ Senior ក្នុងទីក្រុងតូក្យូក្នុងខែមេសា ឆ្នាំ 2007 ហើយបានបញ្ចប់ការសិក្សានៅខែមីនា ឆ្នាំ 2013។
នៅខែមេសា ឆ្នាំ 2013 ទ្រង់បានចាប់ផ្តើមជីវិតជានិស្សិតថ្នាក់បរិញ្ញាបត្រ ដោយចូលសិក្សានៅសកលវិទ្យាល័យ Gakushuin ហើយនៅខែសីហា ឆ្នាំ 2014 ទ្រង់ក៏បានលាឈប់ពីនាយកដ្ឋានអប់រំ មហាវិទ្យាល័យអក្សរសាស្ត្រ នៃសាកលវិទ្យាល័យ Gakushuin នេះ ហើយបានប្រឡងចូលសាកលវិទ្យាល័យChristian អន្តរជាតិ (ICU) ដែលជា alma mater របស់បងស្រីទ្រង់ ។
ក្នុងឆ្នាំ 2017 ជាផ្នែកមួយនៃកម្មវិធីសិក្សានៅបរទេសរបស់ ICU ព្រះអង្គម្ចាស់ Kako បានធ្វើដំណើរទៅចក្រភពអង់គ្លេសដើម្បីសិក្សានៅសាកលវិទ្យាល័យ Leeds ។ ដោយទ្រង់បានសិក្សាផ្នែកសិល្បៈ និងចិត្តវិទ្យា ហើយទ្រង់ក៏បានបញ្ចប់ការសិក្សានៅខែមិថុនា ឆ្នាំ 2018 ។
នៅខែកញ្ញា ឆ្នាំ 2019 ទ្រង់ក៏បានចាប់ផ្ដើមដំណើរទស្សនៈកិច្ចទោលជាផ្លូវការនៅបរទេសជាលើកដំបូងរបស់ទ្រង់ ហើយបានទៅប្រទេសអូទ្រីស និងហុងគ្រី ជាកន្លែងដែលទ្រង់បានជួបជាមួយប្រមុខរដ្ឋនៃប្រទេសទាំងនោះ។ ហើយនៅខែឧសភា ឆ្នាំ 2021 ទ្រង់ក៏បានចាប់ផ្តើមធ្វើការក្រៅម៉ោងសម្រាប់សហព័ន្ធមនុស្សថ្លង់នៅក្នុងប្រទេសជប៉ុនរបស់ទ្រង់ ។
ជាមួយគ្នានេះផងដែរ ម្ចាស់ក្សត្រី Kako ត្រូវបានគេដឹងថាទ្រង់ចេះ៣ភាសាគឺទីមួយ ភាសាជប៉ុន ដែលជាភាសាកំណើត , ទី២នោះគឺ ភាសាអង់គ្លេស និងទី៣ គឺភាសាកាយវិការ ។ ម្ចាស់ក្សត្រីគឺជាអ្នកអភិជនម្នាក់ក្នុងចំណោមអ្នកមានបំផុត និងបានចុះបញ្ជីនៅក្នុង Aristocrat ដ៏ពេញនិយមបំផុតមួយ។ ហើយយោងតាមការប៉ានស្មាន ម្ចាស់ក្សត្រី Kako នៃ Akishino មានទ្រព្យសម្បត្តិប្រហែល 1.5 លានដុល្លារ។
ដោយឡែកចំពោះរឿងស្នេហាវិញ ម្ចាស់ក្សត្រី Kako ត្រូវបានគេដឹងថាទ្រង់មិនមានការទាក់ទង ឬមានស្នេហាជាមួយបុរសណាម្នាក់ឡើយរហូតមកទល់នឹងពេលនេះ៕
