ភ្នំពេញ៖ បុរសម្នាក់ ទំនងជាមនុស្សវិកលចរិតបានជិះកង់មកដុតរថយន្ដគេដែលចតនៅខាងមុខផ្ទះ បណ្ដាលឲ្យឆាបឆេះខូចខាតរថយន្ដទាំងស្រុងអត់ចំនួន២គ្រឿង ខណៈមួយគ្រឿងទៀតរងការខូតខាតតែបន្តិចបន្តួចប៉ុណ្ណោះ ចំនែកជនសង្ស័យបានរត់បាត់សម្រោលឈឺង។
ជាក់ស្ដែងយោងតាមការបង្ហោះនៅលើបណ្ដាញសង្គមហ្វេសប៊ុករបស់បុរសម្នាក់ដែលជាជនរងគ្រោះមានគណនីហ្វេសប៊ុកឈ្មោះ Dara Vuth បានសរសេររៀបរាប់ឲ្យដឹងថា៖ «កាលពីថ្ងៃសៅរ៍ទី០៩ ខែមេសា ឆ្នាំ២០២២ វេលាម៉ោងប្រហែល៣នឹង៣០នាទីព្រឹក ដែលមានទីតាំងស្ថិតនៅក្នុងភូមិប៉ប្រក់ខាងត្បូង សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ មានជនសង្ស័យម្នាក់ជិះកង់មកដុតឡានផ្ទះខ្ញុំម៉ាកFord XLT និងម៉ាកHIghlander ឆេះទាំងស្រុង ចំណែកមួយគ្រឿងទៀតម៉ាក ford ecosprt របស់អ្នកជិតខាងនៅក្រោយផ្ទះខ្ញុំតែពន្លត់ទាន់ពេលវេលា។
មកដល់ពេលនេះខាងប៉ូលីសមិនទាន់ចាប់ជនសង្ស័យបាននៅឡេីយទេអាស្រ័យហេតុនេះរដូវកាលបុណ្យទៀនសូមបងប្អូនប្រុងប្រយ័ត្នចៀសវាងមានការខូតខាតទ្រព្យសម្បត្តិដូចខ្ញុំ។
អរគុណដល់រថយន្តពន្លត់អគ្គិភ័យដែលបានមកទាន់ពេលវេលាបេីមិនដូច្នេះទេផ្ទះរបស់ខ្ញុំនឹងត្រូវបានអគ្គិភ័យលេបត្របាក់ជាមិនខាន» ៕
សូមប្រិយមិត្តអញ្ជើញទស្សនាវីដេអូ ដូចខាងក្រោម៖