ក្រោយពីទិញបានភាគហ៊ុន ៩.២% ដោយគិតជាទឹកប្រាក់មានតម្លៃ ២.៨៩ ពាន់លានដុល្លារ ធ្វើឱ្យលោកក្លាយជាមនុស្សដែលកាន់កាប់ភាគហ៊ុនបណ្ដាញផ្សព្វផ្សាយ Twitter ច្រើនជាងគេលើពិភពលោក។
កាលពីពេលថ្មីៗនេះ លោក Elon Musk បានបង្ហោះសារនៅលើបណ្ដាញសង្គម Twitter ថា តើគួរបំប្លែងកន្លែងធ្វើការរបស់ Twitter ទៅជាកន្លែងស្នាក់អាស្រ័យរបស់ជនទីទាល់ក្រគ្មានទីជម្រកដែរទេ បើមិនបុគ្គលិករបស់ Twitter នាំគ្នាធ្វើការពីផ្ទះ មិនចង់ធ្វើនៅការិយាល័យបែបនេះ? 
ក្រោយការស្ទាបស្ទង់មតិ គេឃើញថាមាមនុស្សជាច្រើននាក់ បានគាំទ្រយ៉ាងខ្លាំងជាមួយការធ្វើបែបនេះ។ ការកំពុងសម្រេចចិត្តដាក់ទីស្នាក់ការកណ្តាលអោយទៅទុរគតជនស្នាក់អាស្រ័យនោះ ដោយសារតែបច្ចុប្បន្ននៅទីនេះ មិនសូវមានបុគ្គលិកធ្វើការទេ ព្រោះដោយសារតែកន្លងមក ជំងឺកូវីដ១៩រីករាលដាន តម្រូវឱ្យបុគ្គលិកធ្វើការពីផ្ទះ ប៉ុន្តែពេលកូវីដ១៩បានធូរស្បើយ បែរជាបុគ្គលិកមិនចង់មកធ្វើការនៅការិយាល័យដូចមុនទៀតហើយ។
គួរបញ្ជាក់ផងដែរថា ទីស្នាក់ការកណ្តាល Twiter ស្ថិតនៅរដ្ឋសាន់ហ្វ្រាន់ស៊ីស្កូ សហរដ្ឋអាមេរិក៕
ប្រភព: Nypost
