អ៊ុយក្រែន៖ លោក Volodymyr Zelenskyy បានធ្វើការព្រមានដល់ជនរួមជាតិរបស់លោកថា នៅប៉ុន្មានសប្តាហ៍ខាងមុខទៀតនេះពលរដ្ឋទាំងអស់ត្រូវត្រៀមខ្លួនពង្រឹងស្មារតីឲ្យបានរឹងបុឹង ខណៈដែលរុស្ស៊ីនឹងធ្វើប្រតិបត្តិការឈ្លានពានទ្រង់ទ្រាយធំនៅភាគខាងកើតប្រទេស។ នេះបើយោងតាមការចុះផ្សាយរបស់សារព័ត៌មាន Skynews ។
លោកបានថ្លែងដូច្នេះថា «កងទ័ពរុស្ស៊ីនឹងផ្លាស់ទីទៅកាន់ប្រតិបត្តិការធំជាងនេះនៅភាគខាងកើតនៃរដ្ឋរបស់យើង ពួកគេអាចប្រើកាំជ្រួចកាន់តែច្រើនប្រឆាំងនឹងយើង គ្រាប់បែកអាកាសក៏កាន់តែច្រើនដែរ ប៉ុន្តែយើងក៏កំពុងរៀបចំដើម្បីឆ្លើយតបសម្រាប់សកម្មភាពរបស់ពួកគេផងដែរ»។
លោកបានចោទប្រកាន់រុស្ស៊ីថាព្យាយាមគេចពីការទទួលខុសត្រូវចំពោះឧក្រិ.ដ្ឋកម្មសង្គ្រាម។ «ថ្ងៃនោះនឹងមកដល់ នៅពេលដែលពួកគេត្រូវតែទទួលយកអ្វីគ្រប់យ៉ាង។ ទទួលយកការពិត»។
លោកបានអំពាវនាវជាថ្មីម្តងទៀតទៅកាន់ប្រទេសលោចខាងលិចដូចជាអាល្លឺម៉ង់ជាដើមឲ្យផ្តល់ជំនួយបន្ថែមដល់អ៊ុយក្រែន។ អំឡុងការពិភាក្សាគ្នាជាមួយនឹងអធិការបតីអាឡឺម៉ងលោក Olah Scholz មេដឹកនាំអ៊ុយក្រែនបាននិយាយថាលោកបានពិភាក្សាគ្នាពីវិធីពង្រឹងទណ្ឌកម្មប្រឆាំងនឹងរុស្ស៊ី និងពីវិធីបង្ខំឲ្យរុស្ស៊ីស្វែងរកសន្តិភាព។
លោកថ្លែងដូច្នេះថា «ខ្ញុំរីករាយក្នុងការនិយាយថាតួនាទីអាឡឺម៉ងបានផ្លាស់ប្តូរក្នុងពេលថ្មីៗនេះចំពោះអ៊ុយក្រែន។ ខ្ញុំចាត់ទុកវាពិតជាសមហេតុផល»៕
