បច្ចុប្បន្នក្មេងៗដែលមានអាយុត្រឹម ៧-៨ ឆ្នាំ ប្រហែលជាកំពុងតែងប់ងល់នឹងហ្គេមទូរស័ព្ទ ឬក៏កំពុងសប្បាយជាមួយការលេងល្បែងកម្សាន្តផ្សេងៗទៀតតាមទម្លាប់់កុមារភាព។ ស្របគ្នាជាមួយនេះដែរ កុមារាឥណ្ឌាម្នាក់ បានក្លាយជាអ្នកសរសេរកូដក្មេងជាងគេបំផុតរបស់ពិភពលោក។
Kautilya Katariya ជាកុមារឥណ្ឌាដែលមានជំនាញខាងសរសេរកូដ (Code) កុំព្យូទ័រ។ គាត់បានក្លាយជាអ្នកសរសេរកូដក្មេងជាងគេបំផុតរបស់ពិភពលោកដែលទទួលស្គាល់កាលពីឆ្នាំ ២០២០ កន្លងទៅ ដោយកាលនោះរូបគេមានអាយុត្រឹមតែ ៦ឆ្នាំប៉ុណ្ណោះ។លើសពីនេះទៅទៀត កុមារាវ័យ ៨ឆ្នាំ នេះ ក៏បានជាប់ក្នុងសៀវភៅកំណត់ត្រារបស់ពិភពលោក Guinness World Record ថែមទៀត ក្នុងនាមជាកុមារក្មេងជាគេបំផុតដែលទទួលបានវិញ្ញាបនបត្រ AI ពី IBM។
ត្រឹមវ័យ ៦ឆ្នាំ Kautilya Katariya បានសរសេរកូដ HTLM, Java, CSS និង Python បានយ៉ាងរលូន ដែលកូដទាំង៤នេះ គឺជាកូដដ៏ពិបាកមួយនៅក្នុងភាសាកូដ។
អំឡុងពេលវិបត្តិកូវីដ ១៩នេះ វិញ Kautilya Katariya បានសម្ងំនៅផ្ទះ ដោយបានបង្កើតវ៉េបសាយផ្ទាល់ខ្លួន និងហ្គេមផងដែរ។
បច្ចុប្បន្ននេះ Kautilya Katariya បានបង្កើត Chatbot និងប្រព័ន្ធសុវត្ថភាពខ្ពស់សម្រាប់ការពារគ្រោះអគ្គិភ័យបានថែមទៀតផង៕
ប្រភព: KhleeTimes